ШЫМКЕНТ: ҚОҒАМДЫҚ КЕҢЕС ОТЫРЫСЫНДА ЭКОНОМИКАЛЫҚ ТЕРГЕУ ДЕПАРТАМЕНТІ БАСШЫЛЫҒЫНЫҢ БАЯНДАМАСЫ ТЫҢДАЛДЫ

---

Бүгін Шымкент қаласы қоғамдық кеңес отырысы өтіп, күн тәртібіне сәйкес 6 мәселе қаралып, талқыланды. 
«Қоғамдық кеңестер туралы» Қазақстан Республикасының заңның 5-бабы 13-тармақшасына сәйкес, Шымкент қаласы қоғамдық кеңес жергілікті деңгейдегі құқық қорғау органдары басшыларының ақпаратын тыңдауды жоспарға енгізіп, өз кезеңімен тыңдап келеді. .  
    Осыған сәйкес, бүгінгі отырыста Қазақстан Республикасы қаржы министрлігі қаржы мониторингі комитетінің Шымкент қаласы бойынша экономикалық тергеу департаменті басшысының орынбасары Жүзенов Бахтияр Абайұлы «Көлеңкелі экономика саласындағы қылмыстарды анықтау және тергеу» бойынша баяндама жасады. 
Мемлекет басшысы Қасым-Жомарт Кемелұлымен қаржы мониторинг органдарының қызметін қайта бағдарлау және елдегі көлеңкелі экономика деңгейін төмендету тапсырылды. 
    Аталған тапсырмаға сәйкес, департамент қазіргі таңда жүргізіліп жатқан жұмыстарына қатысты кеңес мүшелері тарапынан қойылған сауалдарға жауап беріп, айтылған ұсыныстар қабылданды.  
Қоғамдық кеңес департаменттің басты бағыты – әлеуметтік саладағы қылмыстарды анықтау, бюджеттен бөлінген қаржының мақсатты пайдалануы, жымқыру деректерін анықтау, көлеңкелі экономика деңгейін төмендету бағытында жұмыстарды жандандыруды ұсынды.