«QAZAQGAZAIMAQ» АҚ ЖАМБЫЛ ӨНДІРІСТІК ФИЛИАЛЫНДА ТҰТЫНУШЫЛАРҒА КӨРСЕТІЛЕТІН ҚЫЗМЕТТЕРДІҢ САПАСЫН БАҚЫЛАУ

Жамбыл облыстық Қоғамдық кеңесінің мүшелері «QazaqGazAimaq» АҚ Жамбыл өндірістік филиалының қызметтеріне қоғамдық мониторинг жүргізуде.

Мониторингтік топ мүшелері филиал басшылығымен кездесіп, қоғамдық мониторинг жүргізуге арналған жадынама  негізінде зерделенетін сұрақтарды талқылады.

Филиал басшылығы кәсіпорын қызметінің негізгі бағыттары туралы баяндап, қоғамдық кеңес мүшелерін халыққа қызмет ету орталығының жұмысымен таныстырды. Оның ішінде тұрмыстық және коммуналдық тұтынушылармен ҮГЖ (үйішілік газ жабдығы) техникалық қызмет көрсету шартын жасасқаны үшін төлемдерді қабылдауға қатысты тұрғындардың арыз-шағымдары туралы айтылып, осы қызметке кәсіпорын тарапынан бақылау жұмыстары жүргізілмейтіні анықталды.

Өз кезегінде филиал басшылығы ҮГЖ (үйішілік газ жабдығы) қызметін нарықтық ортаға беру туралы заңға өзгерістер енгізу, газ техникалық инспекция қызметіне қажетті  штаттар ашу керектігін көтерді. Сонымен қатар, аталған орталықтың жеке тұлғаларды қабылдау, газды іске қосу есептегіштерін алу және орнату, заңды тұлғалардан техникалық шарттар беруге өтініштерді қабылдау, заңды тұлғаларға, сервистік қызметтерге ақы төлеуге шоттар беру қызметтері  таныстырылды. Электрондық есепке алу құралдарын орнату жаңа абонеттерге ақылы түрде (54 мың теңге) көрсетіледі. Кеңес мүшелері тарапынан жаңадан қосылған тұрғындарға электрондық есепке алу құралдарын тегін және ақылы орнатуды негіздеу және жаңадан қосылған үйлерге электрондық құралдарды тегін орнату  ұсынылды. Филиал қызметкерлері жылу пештеріне қызмет көрсететін мамандар жетіспеуі  салдарынан тұтынушыларға қызмет көрсетуде қиындықтар туындайтынын жеткізді. Мысалы, газ қондырғысын пайдалану бойынша қызмет көрсетуші мамандарын техникалық және кәсіптік білім беру ұйымдарында дайындалмайтыны айтылды. «QazaqGazAimaq» АҚ Жамбыл өндірістік филиалында тауарлық газ бағасының өсуі жағдайында халықтың осал топтарын қолдауға бағытталған қызметтерді көрсетеді. Атап айтқанда, «әлеуметтік әмиян» цифрлық сервисі арқылы 3500 абонент газ бағасын 27 теңгеден төлесе, ал жеке тұлғалар 58 теңгеден төлейді. Мониторингтік топ филиал басшылығына тұрғындар мен заңды тұлғаларға газды қауіпсіз пайдалану бойынша көмек көрсету және түсіндіру жұмыстарын жүргізу мақсатында БАҚ көздері, әлеуметтік желілерге мақалалар жариялау және Jambyl телеарнасының «Қоғамдық талқылау» бағдарламасына қатысып, өндірістік филиалда көрсетілетін мемлекеттік қызметтердің сапасы туралы тұрғындар назарына толық ақпарат жеткізу ұсынылды.

Фото

Previous Next