Ақтөбе қаласының Қоғамдық кеңесінің отырысы

Бүгін әкімдік ғимаратында Қоғамдық кеңес төрағасы Аманбай Сакиевтің төрағалығымен Қоғамдық кеңестің кезекті отырысы өтті. Отырыс барысында Қоғамдық кеңесінің тұрақты комиссияларының құрамына өзгерістер енгізілді.

Жиынға Ақтөбе қалалық мәслихатының төрағасы Анар Даржанова қатысып, 2026 жылғы 1 шілдеден бастап күшіне енген Қазақстан Республикасының жаңа Конституциясының негізгі жаңашылдықтарына тоқталды. Ол өз сөзінде «Конституция – мемлекетіміздің берік тірегі, оны сақтау және құрметтеу әрбір азаматтың міндеті әрі парызы» деп атап өтті.

Сонымен қатар, 1 шілдеден бастап қалалар мен елді мекендердің аумақтарын абаттандырудың жаңа Үлгілік қағидалары қолданысқа енгізілгенін хабарлап, новеллаларымен таныстырды.

Сондай-ақ, жазғы кезеңде тұрғындардың қауіпсіздігін қамтамасыз ету мақсатындағы іс-шаралар жоспары бойынша жұмыстарға тоқталды. Суға түсуге рұқсат етілмеген қауіпті акваторияларда патрульдеу мен рейдтік іс-шараларды Қоғамдық кеңес мүшелері өз қаперіне алды.

Отырыс барысында Анар Нұрлыбекқызы Қоғамдық кеңес мүшелерінен туындаған сұрақтарға жауап берді.

Фото

Previous Next