Қоғамдық кеңес “Ясин” медициналық орталығына қосымша мониторинг жүргізді

2026 жылғы 13 мамыр күні Маңғыстау облыстық Қоғамдық кеңесінің мүшелері Ақтау қаласындағы “Ясин” медициналық орталығына қосымша қоғамдық мониторинг жұмыстарын жүргізді.
Аталған мониторингтің мақсаты – медициналық мекемеде көрсетілетін қызмет сапасын зерделеу, тұрғындар тарапынан көтерілген мәселелердің орындалу барысымен танысу және халыққа қолайлы жағдайлардың жасалу деңгейін бақылау болды.
Мониторинг барысында Қоғамдық кеңес мүшелері медициналық орталықтың материалдық-техникалық базасымен, қабылдау бөлімдерінің жұмысымен, емделушілерге көрсетілетін қызмет сапасымен және санитарлық талаптардың сақталу деңгейімен танысты. Сонымен қатар, азаматтардың медициналық көмекке қолжетімділігі, кезек күту мәселелері, дәрігерлер қабылдауының ұйымдастырылуы мен пациенттерге жасалған жағдайлар назарға алынды.
Қоғамдық кеңес мүшелері мекеме басшылығымен және жауапты мамандармен кездесіп, мониторинг барысында анықталған бірқатар мәселелер бойынша ұсыныстарын жеткізді. Сондай-ақ тиісті сала мамандарына нақты ұсыныстар берілді.
Қоғамдық кеңес тарапынан өңірдегі әлеуметтік және медициналық нысандарға жүргізілетін қоғамдық бақылау жұмыстары алдағы уақытта да өз жалғасын табатын болады.

Фото

Previous Next