Шымкент қаласының қоғамдық кеңес мүшелері құрылыс нысандарын аралады

---

2023 жылдың 18 шілдесі күні Шымкент қаласының Қоғамдық кеңесі қаладағы құрылыс нысандарын аралады.

Бағдарламаға сәйкес:

- ӘІО-дағы құрылысы аяқталған 8 көпқабатты тұрғын үйлердің сапасына және мүмкіндігі шектеулі азаматтарға жағдай жасалу барысымен;

- Тұран шағын ауданындағы тұрғын үйлердің құрылысымен және абаттандыру жұмыстары барысымен;

- Бозарық тұрғын алабындағы тұрғын үйлердің құрылысымен және абаттандыру жұмыстары барысымен;

- Ағымдағы жылы құрылысы аяқталған №45 мектептің құрылыс сапасына және мүмкіндігі шектеулі азаматтарға жағдай жасалу барысымен танысты.

Мониторингке Қоғамдық кеңес төрағасы Б.Әлтеев, кеңес мүшелері С.Байбосынов, М.Сарсембаев, Н.Талғат және Шымкент қаласының құрылыс басқармасының басшысы М.Баимбетов пен орынбасары Ж.Айтбеков қатысты.

Кеңес мүшелерінің атынан мүмкіндігі шектеулі азаматтарға жағдай жасалмағандығы туралы ескертіліп, ұсыныстар айтылды.