Жұмыс тобы жылу беру маусымына дайындық мәселесі бойынша мониторингті жалғастырды

---

Қоғамдық кеңес мүшелері мен қалалық мәслихат депутаттарынан құралған жұмыс тобы 5 шілде  Сәтбаев сумен, жылумен жабдықтау кәсіпорнында алдағы жылу беру маусымына дайындық мәселесі бойынша мониторингті жалғастырды. Бекітілген ісшараларға сәйкес ұзындығы 25,4 км жылу желілерін жөндеу жоспарланған, оның ішінде магистральдық 5,4 км, орамдық торап 20 км. Бүгінгі күні орындалған жұмыстар көлемі 40% құрайды, Ерден-Мұқанов, Алаш көшелері, Мұратбаев көшесі-Сәтбаев даңғылы, Мәңгілік ел көшелері бойынша жылу желілерін ауыстыру жұмыстары жалғасуда. Сонымен қатар, инженерлік желілер учаскелерінде күрделі жөндеу жұмыстары жүргізілуде. Нысандарды аралау барысында кәсіпорын директоры Ержан Амажолұлы Тоқымбаев топ мүшелеріне тиісті ақпараттар берді. Жалпы, жұмыс кестеге сәйкес жүргізілуде, алайда тексерушілер тарапынан Қалмағамбетов көшесіндегі жылу камерасын жөндеу және қала бойынша желілердің зақымдалған жылу оқшаулауын қалпына келтіру қажеттігі аталып көрсетілді.