Қала шаруашылығын 2023-2024 жылғы жылу беру маусымына әзірлеу барысы туралы

---

Қала шаруашылығын 2023-2024 жылғы жылу беру маусымына әзірлеу барысына қоғамдық бақылау жүргізу мақсатында қоғамдық кеңес мүшелері мен қалалық мәслихат депутаттарынан құрылған жұмыс тобы 4 шілдеде «Kazakhmys Distribution» ЖШС жылу кәсіпорнына барды. Кәсіпорын директоры Ж.А.Керімбеков №1 жылу станциясындағы жөндеу жұмыстарының барысымен таныстырып, топ мүшелерінің сұрақтарына жауап берді.

Жылу маусымына дайындық шеңберінде кәсіпорын алдын ала Қоғамдық кеңеске ұсынылған «Kazakhmys Distribution» ЖШС ЖС-1, ЖС-2, жабдықтарын 2023-2024 жж. жылыту маусымына дайындау кестесін әзірлеп, бекіткен.

Барлық жөндеу жұмыстары мерзімінде басталды және қосымша уақытша жұмыс орындарын құра отырып, шаруашылық әдісімен жоспарлы түрде жүргізілуде, жөндеу жұмыстарына 226 адам жұмылдырылған. Кестеден артта қалу мен ауытқу анықталған жоқ. Кәсіпорын жөндеу жүргізу үшін қажетті материалдармен және жабдықтармен 94% қамтамасыз етілген. ЮЗК-дағы №1 және №1 ЖС № 3 су жылыту қазандықтарын күрделі жөндеу, сондай-ақ тағы 3 қазандықтың ағымдағы жөндеуі басталған. Сонымен қатар, қазандық-қосалқы жабдықтары, электр жабдықтары мен №1 және №2 ЖС ғимараттарына ағымдағы жөндеу жұмыстары жүргізілуде.

Көмірді жеткізу шарттарға сәйкес жүргізіледі және 4 шілдеге көмір қоры 57 мың тоннаны құрап отыр, жылыту маусымының басында ол 84 мың тоннаны құрауы тиіс.

Жұмыс тобы қала атмосферасына зиянды шығарындыларды азайту жөніндегі іс шараларға ерекше назар аударды. Биыл кәсіпорын барлық қазандықтардың тазартқыш түтін эмульгаторларына ағымдағы жөндеу жүргізуде, бұл қоршаған ортаға шығарындыларды азайтуға мүмкіндік береді.

Директордың ақпараты бойынша алдағы жылыту маусымына дайындық бойынша барлық жоспарланған іс-шаралар сапалы және мерзімінде орындалуы тиіс.

Қоғамдық бақылау жөндеу жұмыстары аяқталғанға дейін жүргізіледі.