Қоғамдық кеңестің бірінші отырысы

---

Ағымдағы жылдың 20 қаңтарында өткен бірінші отырыста Сәтбаев қаласының Қоғамдық кеңесінің мүшелері «Жылыту маусымының барысы және 2023 жылға жоспарланған жөндеу жұмыстары туралы» мәселені қарады. «Тұрғын үй-коммуналдық шаруашылық, жолаушылар көлігі және автомобиль жолдары бөлімі» ММ  басшысы Н.Кенжеғұловтың,  «Kazakhmys Distribution» ЖШС жылу электрорталығының бас инженері Ж.А. Керімбековтың, - «Сәтбаев жылу, сумен жабдықтау кәсіпорыны» ЖШС директоры Е.А.Тоқымбаевтың, А - Kazakhmys Distribution» ЖШС «Электр желілері кәсіпорны» директоры  Н.Кравчуктың ақпараттары тыңдалды.

Баяндаушылардың ақпараты бойынша қаладағы жылыту маусымы тұрақты режимде өткізіліп, барлық қызмет көрсету кәсіпорындар материалдармен және жабдықтармен толық жабдықталған, жедел топтары ұйымдастырылған, қазандықты көмірмен жоспарлы қамтамасыз етілуіне бақылау жүргізілуде.

Сонымен қатар, тұрғындардан коммуналдық қызметтердің жұмысына қатысты кейбір шағымдар түсуде, олар уақытылы қарастырылып, шешіледі. Желілердің тозуына байланысты оларда апаттар орын алады, есептерде көрсетілгендей, жылу желілерінің тозуы– 56%, сумен жабдықтау – 75%, кәріз – 85%, электрмен жабдықтау – 68% құрайды. Кәсіпорын басшылары мекеме қаражаты мен инвестиция тарту есебінен 2023 жылға жоспарланған жөндеу жұмыстарымен таныстырды. Қалалық жылу желілерін жөндеуге облыстық бюджеттен 857,6 млн. теңге бөлінген.

Мәселені талқылау барысында кеңес мүшелері Есқұла су құбыры ауданын резервтік электрмен жабдықтау мәселесін және қазандықтың қуатын арттыру бойынша шаралар қабылдау қажеттігі туралы өз ұсыныстарын айтты. Отырыс қорытындысы бойынша қоғамдық кеңестің шешімі қабылданып, ол барлық жауапты мекемелер мен кәсіпорындарға жеткізілді.