Қазкеңес жаңалықтары
KazKENES жаңалықтары«Мерейлі отбасы» ұлттық байқауының қалалық кезеңінің жеңімпаздарын марапаттау рәсімі
12 шілде күні «Мерейлі отбасы» ұлттық байқауының қалалық кезеңінің жеңімпаздарын марапаттау рәсімі өтті. «Мерейлі отбасы» байқауының үздік қатысушыларын салтанатты марапаттау рәсіміне Ақтөбе қаласының әкімі Азамат Бекет, қалалық мәслихат төрағасы Анар Даржанова, Қоғамдық кеңес төрағасы Ахат Мурзалин, депутаттар мен Қоғамдық кеңес мүшелері Асқар Құлтасбаев, Олжас Мектепбаев, Әнуар Жамбаев, Рүстем Хамзин, Дәурен Жаңажанов, Ераділ Уббиниязов қатысты. «Мерейлі отбасы» ұлттық байқауы Қазақстанда 2013 жылдан бастап жыл сайын өткізіліп келеді.
Халықтың адамгершілігі мен отбасылық құндылықтарын насихаттау, отбасы мәртебесін арттыру мақсатында жыл сайын «Мерейлі отбасы» ұлттық байқауы өткізіледі. Бақытты отбасы, оның қоғамдағы жоғары маңызы-ел болашағының жарқын көрінісі.
«Мерейлі отбасы» ұлттық байқауы отбасына арналған және оның басты мақсаты – отбасы институтын нығайту және отбасылық құндылықтарды ілгерілету. Отбасы-бұл адамның тыныш, сенімді айлағы ғана емес, сонымен бірге мемлекет пен қоғамның тұрақты дамуының негізі. Дұрыс отбасылық құндылықтар, ұзақ мерзімді отбасылық дәстүрлер, балаларды патриотизм мен жалпыадамзаттық құндылықтар рухында тәрбиелеу — әрбір отбасының басты міндеті.
«Мерейлі отбасы» ұлттық байқауы бүгінде жақсы дәстүрге айналды. Жылдан жылға оған қатысқысы келетін отбасылардың саны артып келеді.
Іс-шара барысында Қоғамдық кеңес мүшелері әр отбасының өмірбаянымен танысты. Жеңімпаздарды салтанатты марапаттау Ақтөбе қаласының Триатлон саябағында өтті.