Тұрақты комиссиялар төрағаларының отырысы

---

Бүгін Қоғамдық кеңестің төрағасы Мырзалин Ахат Ахметұлы Қоғамдық кеңестің тұрақты комиссияларының төрағаларымен кезекті отырыс өткізді. Қаладағы жиі көтеріліп жүрген сұрақтарды сараптап, ең күрделі деген сұрақтарды кеңес отырысында қарап, басқа маңызды сұрақтарды тұрақты комиссия отырысында, басқа да жиылыстарда қарауға шешті.

Мониторинг көрсеткендей, Қоғамдық кеңес мүшелері, қала тұрғындары өзекті мәселелерді көтерді. Енді біз бұл проблемаларды жүйелеп, оларды депутаттармен, мемлекеттік емес ұйымдармен, мемлекеттік органдармен бірлесіп шешуге тиіспіз. Атап айтқанда, көше-жол желісін дамыту, қоғамдық көлік, тұрғын үй құрылысы, медицина, білім беру, мәдениет ошақтарының, балалар мен жасөспірімдерге арналған спорт кешендерінің қолжетімділігі мәселелері. Сондай-ақ, қалада кәріз желілері, су проблемалары, жасыл желектердің жай-күйі, қоқыстарды шығару мәселелері өзекті болып отыр. Қаланың шеткі аймақтарын мәдени, спорттық ошақтармен, инженерлік-инфрақұрылыммен қамту мәселесін шешуді Ахат Ахметұлы атап өтті.