«Nur Otan» партиясының Тараз қалалық филиалы мен Тараз қаласының Қоғамдық кеңесі бірлесе отырып, Жол картасына енгізілген әлеуметтік нысандарға қоғамдық бақылау жүргізді.

---

«Nur Otan» партиясының Тараз қалалық филиалы мен Тараз қаласының Қоғамдық кеңесі бірлесе отырып, Партияның қалалық мәслихаттағы фракциясы, Қоғамдық кеңес және Партиялық бақылау комиссиясы мүшелерінің қатысуымен қалада орналасқан және Партияның Сайлауалды бағдарламасын іске асыру жөніндегі Жол картасына енгізілген төмендегі әлеуметтік нысандарға қоғамдық бақылау жүргізді.

«Жамбыл облысы әкімдігінің білім басқармасы Тараз қаласы білім бөлімінің №31 орта мектебі» коммуналдық мемлекеттік мекемесі ғимаратының күрделі жөндеу жұмыстары 2021 жылдың мамыр айынан бастап, кестеге сәйкес жүргізілуде. Нысанның күрделі жөндеу жұмыстарына қажетті материалдар жеткізіліп, 60 жұмысшы жұмыс атқаруда. Жұмыстың сапалы, әрі кестеге сәйкес жүргізілуін техникалық қадағалаушы күнделікті бақылап отырады. Тапсырыс беруші - Жамбыл облысы әкімдігінің білім басқармасының Тараз қалалық білім бөлімі.

Автобекет аумағында орналасқан 200 орынды облыстық онкологиялық диспансердің құрылыс жұмыстары аяқталуға жақын, қазіргі уақытта тазалық, аулаларды абаттандыру, құрал-жабдықтарды орнату жұмыстары жүргізілуде. Аталған жұмыстарды атқаруға 90 жұмысшы тартылған.

Нысандарға жүргізілген қоғамдық бақылау барысында мердігерлер мен тапсырыс берушілерге күрделі және құрылыс жұмыстары бойынша, сонымен қатар жұмыстарды тиісті мерзімде, әрі сапалы орындау жөнінде бірқатар ұсыныстар берілді.

Жол картасына енгізілген жұмыстар бойынша қоғамдық бақылау жүргізу жұмыстары жалғаса беретін болады.

#CISCkz #ЦПГИкз