ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ

---

        Төлеби аудандық Қоғамдық кеңестің отырысы өтті. Отырысты аудандық қоғамдық кеңес төрағасының м. у. а. С.Ахтаев  ашып, жүргізіп отырды. Күн тәртібіне 1- мәселе қаралды.

1.   «Төлеби ауданы бойынша коммуналық қалдықтардың түзілу және жинақталу нормаларын есептеудің қағидаларын бекіту туралы» қаулының жобасы туралы.

      Күн тәртібіндегі мәселе бойынша - Төлеби ауданының тұрғын үй-коммуналдық шаруашылық жолаушылар көлігі және автомобиль жолдары бөлімінің бас маманы Н.Қосалиев хабарлама жасады:  Қазақстан Республикасының Экология кодексінің 365-бабы, 4-тармағының, 6) тармақшасына және Қазақстан Республикасы Экология, геология және табиғи ресурстар министрінің 2021 жылғы 1 қыркүйектегі №347 «Коммуналдық қалдықтардың түзілу және жинақталу нормаларын есептеудің үлгілік қағидаларын бекіту туралы» бұйрығына сәйкес қаулының жобасымен таныстырып, түсіндіріп өтті. Сонымен қатар осы аталған жобаға оң қорытынды келісім беруді сұрады.

     Қоғамдық кеңес мүшелері Н.Қосалиевтың хабарламасын тыңдап, талқылап, отырыс барысында айтылған сын-ескертпе пікірлерді ескере отырып «Төлеби ауданы бойынша коммуналық қалдықтардың түзілу және жинақталу нормаларын есептеудің қағидаларын бекіту туралы» қаулының жобасына оң қорытынды келісім бермей, қанағаттандырмай, келесі отырыста қайта қарауға қалдыруды және қалдықтардың түзілу және жинақталу нормалары бойынша нақты түсіндіріп беру үшін тиісті мамандарды келесі отырысқа шақырылсын деген шешім қабылдады.