Қазкеңес жаңалықтары

Қызылорда облыстық Қоғамдық кеңесі

Қоғамдық кеңестер туралы заң қабылданып, құрылғалы 7 жыл мерзім өтсе, қәзір Қоғамдық кеңестердің 3-құрамы жұмыс жасап жатыр. Жалпы кез келген өзекті проблеманы шешуде кейде бірнеше жақтың мүдделері қиысуы болуы мүмкін. Кейде билік органдары шешімдері де қоғамдық мүддеден қиыс кетіп жатады.
Әртүрлі ұсыныстар, мәселені шешу жолының ішінен ең тиімдісін қалай, қайдан аламыз және оны қалай білеміз?
Қоғамдық кеңестер туралы заңда және оның ережесінде ол жақсы айқындалған. Олар қоғамдық мониторинг, эксперттік пікірге жүгіну, мәселе бойынша қоғамдық тыңдау өткізу арқылы әртүрлі тараптар уәждерін ескеріп тиімді ұсыныс беру арқылы шешу.
Қоғамдық кеңестер алаңында елге маңызды, бірақ әртүрлі пікір бар, артында резонанс болуы мүмкін мәселелерді тиімді шешу үшін сарапшы мамандар пікірін, қоғамдық мониторинг, қоғамдық тыңдау тетіктерін қолдана обьективті ұсыныс беріп шешуде елімізде бірден-бір үлгі болған, шешілген өзекті мәселелердің бірі Қызылорда облысында 13 жыл көтеріліп келген сағаттық белдеулер проблемасы деуге болатын шығар.
Кейде билік органдары да қателесуі мүмкін, немесе бір мүдделі топтардың пайдасына болған шешімдер бюджет қаржысын тиімсіз пайдалануға, немесе өзге одан да көп халық мүдделеріне қиыс келуі мүмкін.
Сондай мәселенің бірін Қызылорда облысы Қоғамдық кеңесі мүшелері көтеріп отыр. Ол Маңғыстаудан Бейнеу-Бозой арқылы Батыс Қытай - Батыс Европа күре жолына шейін жол салу жобасын Сексеуіл арқылы өткізу. Жолдың Шалқар арқылы өткеннен гөрі Сексеуіл арқылы өтуі барлық Оңтүстік, Орталық Қазақстан және Атырау мен Маңғыстау облыстары халқы қатынасына, Ақтау порты, Атыраудан Астраханға және одан ары қарайғы және кері қарай жүк тасымалына тиімді болса, Ақтау қаласы аумағында салынып жатқан туристік нысандар және кері қарай да ішкі туризм дамуына тиімді.
Қызылорда облысы Қоғамдық кеңесі осы мақсатта өзге облыстардың бұл жөніндегі пікірін білуге сауал жолдап, Түркістан облысы, Алматы қаласы Қоғамдық кеңестері қолдауын тауып отыр. Жамбыл, Атырау, Маңғыстау, Жезқазған облыстары да бұл ұсыныстарды қолдайды деп ойлаймыз, өйткені ұсыныс жолды бұл бағыттарға әдеуір қысқартса, Солтүстік облыстар бағытына Атыраудан мысалға Ақтөбе арқылы жол қысқа, ал Маңғыстаудан Шалқар арқылы өтуі айырмашылығы шамалы ғана. Сондықтан Қызылорда облысы әкімдігі ҚР Көлік және комуникация Министрлігіне хат жолдап бұл ұсыныс жобалау барысында ескерілетіні, ең тиімді нұсқасы қарастырылатыны жөнінде жауап алынды. Ендігі бұл жолдың тек Қызылорда облысы үшін ғана емес, еліміздегі көлік қатынасы, стратегиялық маңыздылығынан бірнеше облыс атынан да ұсынуға мүмкіндік туып отыр.
Билік шешімдерін қабылдауда Азаматтық қоғамның тиімді ұсыныстармен ықпал етуінде Қоғамдық кеңестердің орны орасан, тек ол уәжді, жан-жақты сараланған болса билік те оған құлақ асады деп ойлаймыз.
Қызылорда облысы Қоғамдық кеңесі.