Азаматтық қоғамы дамымаған елде тұрақтылықтың тұралауы мүмкін емес”

---

   

  Еуропалық одақтың елшілермен кездесу сәтті өтті.
Кәрі құрлықтың Қазақстандағы 12 елшісімен өткен кездесу кезінде Жайық пен Каспий, өңірдің экологиялық проблемалары, халықаралық бизнеспен қарым қатынас (мемлекеттік мүдде), Дунай секілді трансшекаралық өзендер тәжірибесіне сүйенген халықаралық заңнама, тіпті экономика мен саясат тақырыптары әңгіменің арқауы болды. Біздің елімізде демократияландыру бағытында жасалып жатырған жұмыстар, әсіресе парламентке мажоритарлық сайлау әдісінің қайта оралғанын позитивті қадамдар деп тұспалдадық. Қойған кейбір сұрақтарымызға жауап та алдық. Уақыт тарлығы себепті қалғандарын қорытып бізге жолдайтын болады. 
Еуродақты өңірдегі тұрақтылық, азаматтық қоғамның дамуы, жасыл сутегі энергетикасы мен ВИЭ өте қызықтыратыны белгілі болды. 

Ұсыныстарымыздың бірі ретінде Атырауда Шенген визасын беретін орталықты ашуды өтіндім.
Суретте солдан оңға қарай Литва, Германия, Словакия, Франция және Испания елшілері. 

Аустрия елшісі: Азаматтық қоғамы дамымаған елде тұрақтылықтың тұралауы мүмкін емес” - деген сөзді тезис түрінде жадымда сақтадым.                                                    Арман Хайруллин, Атырау облыстық Қоғамдық кеңесінің мүшесі