Қандастар – бұлар біздің өзіміз, туғанымыз

---

 #toqaev2022

     Тағдырдың тәлкегімен амалсыз елден көшкендер. Туған елді аңсап қайта келгендер. Әйтсе де біздің айтар мұң-өтінішіміз бар, ең бастысы Елім, Жерім деп келгенде уақытша пропискаға қоятын мекен болса екен деп – тілегін білдірді.

   Атырау қаласы "Кеңөзек" ауылының тұрғындары арасында болып, Қасымжомарт Кемелұлы Тоқаевті қолдау коалициясының бір топ азаматтары халықпен кездесу өткіздік. Сайлау алды бағдарламасымен таныстыра отырып, тілектерін тыңдадық. Қандас бауырларымыз бірауыздан Қасымжомарт Кемелұлына дауыс беруге баратындықтарын, жазылған бағдарламалар жүзеге асуға тілектерін жеткізді. Иә, қандастарымыз көшіп келгенде кейде уақытша пропискіге тіркеле алмай қиындық көретіні бар. Уақыты асып кетес салынатын айыппұлы тағы бар. Елім деп келгенде штраф салса көңіл сынбайды емес пе. Көші-қон туралы заңға көп өзгеріс керектей.

       Кәсіп ашуға, яғни егін егу үшін 3-жылдан бері жер ала алмай жүргенін айтып өтті бір әжеміз. Жер қатынастары басқармасына, басқа да жерлерге қанша барса да тұщымды жауап ала алмағанын, осыған көмек берулерімізді сұрады. Мәслихат хатшысы Қ. Джаумбаев заң шеңберінде көмек берілетіні және Үкімет те мұндай бағдарламаларды қолдайтынын, арнайы процедура барлығын және шешілуі керектігін түсіндіріп өтті. Қандастарымызбен көптеген мәселелер талқыланып, қызу пікірлер айтылды. 1-топ мүгедіктігі бар Ермекбаев Жәнібек атты азамат бәрімізге денсаулық тілей отырып, Қасымжомарт Кемелұлының бағдарламаларына көңілі толық толғандығын, дауыс беруге шақыратындығын айта өтті. Заман тыныш болып, аяқ-қолың аман болса бәрін де істеуге болады деген сөзін толық мақұл көрдім. Бұл "Азаматтарға арналған Үкімет үйінде" болған кездесуде айтылған еді. Баршаңыздың үйіңізге құт-береке дарып, аспанымыз ашық болсын деп тілек білдіргім келеді.

Ускенбаев Сакен Булекбаевич.

Атырау облыстық Қоғамдық кеңесінің мүшесі, «Атырау Адалдық алаңы» қоғамдық қорының жетекшісі.

Атырау қалалық штабы - мүшесі, сенімді өкіл. #toqaev2022