Қазкеңес жаңалықтары

Атырау облыстық Қоғамдық кеңесінде маңызды мәселе қаралды

Ағымдағы жылдың сәуір айынан бастау алған Қазақстан Республикасының Ақпарат және қоғамдық даму министрлігінің қолдауымен "Eurasian Expert Council" қоғамдық қорының бастамасымен ұйымдастырылған "Қоғамдық кеңестер апталығы" аясында өткен кездесу, бүгінгі күні облыс тұрғындарын алаңдататын маңызды мәселелерге арналды.

Кеңестің "экология, табиғат пайдалану және аграрлық мәселелер жөніндегі" және "инфрақұрылымды дамыту және коммуналдық мәселелер жөніндегі" комиссиялардың біріккен отырысы дөңгелек үстел форматында өтті.

Отырысты Облыстық Қоғамдық кеңесінің төрағасы Мақсым Ізбасов ашып, жүргізді. Күн тәртібінде: "Атырау облыстық Қоғамдық кеңесінің экологиялық мәселелерді шешудегі қоғам өкілдерінің қатысуын қамтамасыз етудегі ролі" тақырыбында комиссия төрайымы Шынар Изтелеуова және "Атырау облыстық Қоғамдық кеңесінің монополистермен тариф қалыптастырудағы тұтынушылардың құқықтарын қорғауға қатысуы туралы" комиссия төрайымы Балжан Досмұхамбетова аталған тақырыптардың маңыздылығына тоқталып, дөңгелек үстелге қатысып отырған тиісті мемлекеттік органдар өкілдеріне және монополистерге сауалдар жолдады. Көтерілген мәселелер бойынша тиісті мекемелерге ұсынымдар жолданып, бақылауға алынады.

«Қоғамдық кеңестер бүгінгі күні мемлекеттік қызметтің сапасына, сыбайлас жемқорлыққа қарсы күресте, бюджет қаржысын тиімді пайдалануда, билік пен қоғам арасында азаматтардың барлық өтінішіне назар аударатын мемлекетті құру бүгінгі күннің басты мақсаты, жергілікті билік өкілдерімен бірге кеңес мүшелері де осы жұмыстарды жалғастыруға мүдделі»-деді төраға Мақсым Ізбасов. Дөңгелек үстелге «Атырау-Жарық» АҚ-ы, «Атырау Газинвест» ЖШС-і, «ҚазТрансГазаймақ» АҚ-ы, «Атырау жылу электр орталығы» АҚ-ы және Облыстық табиғи ресурстар және табиғатты реттеу басқармасы, облыстық Экология департаментінің басшылары, сондай-ақ шақырылған тиісті мекемелер өкілдері қатысты.

Отырыс облыстық маслихаттың қолдауымен "Айтуб" интернет желісінде, фейсбук парақшаларынан көрсетілді.