Тараз қаласындағы 15 мөлтекаудан мен "Барысхан" алқабының проблемалық мәселелері талқыланды

---

Тараз қалалық Қоғамдық кеңестің құрылыс, энергетика, инфроқұрылымды және коммуналдық салаларды дамыту жөніндегі комиссияның отырысы өтті. Жиынға кеңес мүшелерінен өзге Жамбыл облысы әкімдігі энергетика және коммуналдық шаруашылық басқармасының басшылығы мен Тараз қалалық әкімдігі құрылыс бөлімінің мамандары қатысты.

Онда,  Тараз қаласының  15-мөлтек ауданы мен «Барысхан» алқабындағы инфроқұрылым жүйелерінің жағдайы қаралды. Атап айтқанда , 15 мөлтек аудандағы көпқабатты тұрғын үйлердің жылу, жарықпен қамтамасыз етілу ахуалы, қыстың күнінде тұрғындардың қажеттілігін өтеуге дайындық барысы, абаттандыру, құрылысты жүргізу талаптарының сақталуы сынды мәселелер ойталқы арқауына айналды.