Түркістан облысының  ҚК 5-9 қырқүйек «Құқық тәртібі» апталық аясында өткізілген  жұмыстары

---

 

          Заңды білместік жауапкершіліктен құтқармайды тақырыбында мектеп оқушыларымен  жаңа оқу жылының басталуына байланысты қоғамдық қауіпсіздікті қамтамасыз ету мақсатында жолда жүру ережелерін сақтау бойынша облыстық Қоғамдық кеңесінің азаматтардың құқықтарын қамтамасыз ету және азаматтың қоғам институттарымен байланыс жөніндегі комиссиясы Түркістан облыстық Ішкі істер департаменті және Түркістан қалалық Ішкі істер басқармасымен құқық тәртібін жақсарту мақсатында іс-шара өткізді.

          Іс-шара кезінде мектептерге барып, оқушылармен жолда жүру қағидаларын сақтау, "Заңды білместік жауапкершіліктен құтқармайды" тақырыбында түсіндіру жұмыстарын жүргізді. Сонымен бірге қаланың үлкен көшелерінде, үлкен базарлардың аумағында қарапайым халықпен де үлкен жолдардан жаяу жүргіншілер жолы арқылы өту бойынша түсініктемелер берілді.

          Іс-шараға Түркістан облыстық Қоғамдық кеңесінің тұрақты комиссияның төрағасы, «Ontustik  Qazaqstan» газетінің бас редакторы Абай Балажан, Түркістан облыстық қоғамдық кеңесінің мүшесі Зуппархан Чалданов, Түркістан қалалық Ішкі істер басқармасының қызметкері, полиция капитаны Марат Омаров, Түркістан облысы ПД ЖПҚБ-ның жұмысын ұйымдастыру және қадағалау тобының инспекторы, полиция капитаны Қанат Көкаршын Жолбарысханқызы, Түркістан облысы полиция департаментіне бағынысты айдауыл взводының арнайы топ полицейі, полиция кіші сержанты Пірметов Сулайман Әбубәкірұлы, Кентау қалалық полиция бөлімі ЖҚП УПИ полиция аға лейтенанты Абдрей Мақсат Анетбекұлы қатысты.

Кентау қаласы Қоғамдық кеңесі

Соңғы 5-6 жылдан бері шешімін таппай отырған мәселелердің бірі – қала аумағында қоғамдық орындарда бей-берекет жайылып жүрген мал-жануарлар. Қалалық қоғамдық кеңеске қала тұрғындары осы мәселеге байланысты наразылықтарын білдіруде (бейне материалдар қоса тіркеледі).  

Қараусыз жүрген мал тек тазалыққа кері әсерін тигізуімен қатар, жол-көлік қозғалысына қауіп төндіріп отырғаны анық. 4-5 қыркүйекте «Айғақ» теле арнасының бетінен атқарып жатқан жұмыстар көрсетіліп отырды. Ал соңғы бейнематериалдар 6-8 қыркүйекте жасалды.

Қалаға кіре берістің негізгі жол бойында, осы мәселеге қатысты, орналасқан пункттің жағдайы бейнесюжетте берілді. Осы «құрылысқа» 7 миллион теңге қала бюджетінен бөлінген.

Кеңес мүшелері 08.09.2022 жылы сол орынды арнайы барып көріп қайтқан. Талапқа сай ешқандай жағдай жасалмаған, тек қана темір тормен қоршалған алаң, ішінде тал, ағаштар, қураған тікенек басып кеткен. Аулаған ірі малды ол жерге жеткізуге және оны ұстауға мүмкін еместігі байқалды. Осы мәселеге байланысты бейне сюжет берілді.

          «Жасыл қала» мекемесі қаланың ортасындағы қоғамдық орындарда қараусыз жайылып жүрген жануарлармен жұмыс атқаруды, ол жұмысты жүйелі, нәтижелі атқару үшін не қажет, адам ресурстары әлде қаржы жеткіліксіз бе, мекеме тарапынан ешқандай ұсыныс берілмеді.

          Орталық саябақтағы өртке қарсы талаптардың орындалуы туралы өрт сөндіру бөлімі тарапынанда, еліміздің бірқатар аумақтарында өрт басып отырған жағдайда, әрекетсіздікті танытып отыр.

Апталық жұмыстардың қортындысы бойынша:

- қала әкімімен мәселелерді шешу үшін бірлесіп жұмыс атқару,

- қала тіршілігін қамтамасыз ететін мекемелерге бөлінген қаржы көлемін бірлесіп талқылау;

- орталық саябақты мемлекеттік–жеке серіктестік аясында жұмыс атқару мүмкіндігін талқылау;

- өрт сөндіру бөлімінің техникалық жағдайын зерттеу;

- айтылған кемшіліктер бойынша полиция бөлімі және басқа да жауапты бөлімдерге орын алып отырған кемшіліктерді жоюға нақты мерзімі белгіленген ұсыныстар әзірлеп, қала әкіміне жолдау.