Аршалы ауданының қоғамдық кеңесінің кезекті отырысы өтті

Аршалы ауданы Қоғамдық кеңесінің кезекті отырысы өтті. Онда ауданның тіршілігін қамтамасыз ету және дамытуға қатысты үш өзекті мәселе қаралды. Талқылау қорытындысы бойынша мәселелерді ұсынған тараптарға тиісті ұсынымдар берілді.
Күн тәртібіндегі бірінші мәселе ретінде Қоғамдық кеңес мүшелері Аршалы ауданының газ шаруашылығы директоры Азиз Насирдиннің баяндамасын тыңдады. Бұл талқылауға елді мекеннің оңтүстік бөлігіндегі тұрғындардан газ беру жүйесінің тұрақсыздығы мен жиі үзілістерге қатысты түскен көптеген шағымдар себеп болды. Директордың баяндамасынан кейін Аршалы аудандық тұрғын үй-коммуналдық шаруашылық бөліміне ресми сауал жолдау туралы шешім қабылданды. Онда көпқабатты тұрғын үйлерге газ құбырын тартуға, сондай-ақ оған қатысты барлық инженерлік желілерді, жабдықтар мен газбен жабдықтау жүйелерін орнатуға қажетті жобалық-сметалық құжаттаманы әзірлеу мәселесі қозғалды.
Одан әрі Түрген ауылдық округінің әкімі Азамат Шырғанбаев «Атқарылып жатқан жұмыстар және 2026–2027 жылдарға арналған жоспарлар туралы» баяндама жасады. Баяндаманы тыңдағаннан кейін, Қоғамдық кеңес мүшелері оны назарға алып, жоспарланған жұмыстарды жалғастыруды ұсынды.
Күн тәртібіндегі үшінші мәселе бойынша Аршалы кентіндегі № 1 жалпы білім беретін мектептің қызметі туралы есепті мектеп директоры Әсемгүл Мұхамедина ұсынды. Қоғамдық кеңес мекеме жұмысына оң баға беріп, мектеп әкімшілігіне өз қызметін қалыпты режимде жалғастыруды, сонымен қатар оқыту мен білім алу процесінің жоғары сапасын қамтамасыз етуді және белгіленген барлық білім беру мақсаттарының орындалуын қадағалауды ұсынды.
Талқыланған барлық мәселелер бойынша тиісті шешімдер қабылданды, ал Қоғамдық кеңес мүшелері олардың орындалу барысын бақылауда ұстайтын болады.

Фото

Previous Next