"ЖАМБЫЛ ЖЫЛУ" МЕКЕМЕСІНІҢ ҚЫЗМЕТТЕРІНЕ МОНИТОРИНГ ЖҮРГІЗІЛДІ

Жамбыл облыстық Қоғамдық кеңесінің мүшелері “ЖАМБЫЛ ЖЫЛУ” шаруашылық жүргізу құқығындағы мемлекеттік коммуналдық кәсіпорнының қызметтеріне қоғамдық мониторинг жүргізді.

Кәсіпорын басшылығы мониторингтік топ мүшелеріне қызмет бағыттарын таныстырып, қоғамдық мониторинг жүргізуге арналған жадынама  негізінде зерделенетін сұрақтарды талқылады.

Атап айтқанда, кәсіпорын қызметкерлері “Жамбыл жылу” кәсіпорнында көрсетілетін мемлекеттік қызметтер, жылу энергиясын өндіру, беру және бөлу бойынша атқарылған жұмыстар, қазандықтар мен жылу желілерін пайдалану және техникалық қызмет көрсету, қазандық, газ жабдықтары және автоматиканы жөндеу және баптау, жылу трассалары мен қазандықтарды жөндеу, қазандықтардағы су режимін бақылау және техникалық қызмет көрсету, жөндеуден кейін қазандықтар мен құбырларды іске қосу-баптау жұмыстары, электр жабдықтарына және бақылау-өлшеу аспаптарына қызмет көрсету, газ жабдықтарын жөндеу және қызмет көрсету, апаттық-диспетчерлік қызмет туралы ақпарат берді.

Мониторинг барысында “Жамбыл жылу” кәсіпорнында мемлекеттік бағдарламалардың, стратегиялық жоспарлардың іске асырылуы, ҚР заңанамасының нормаларын қолдану нәтижесінде азаматтар үшін теріс салдарлар және қоғамдық мүдделерге қысым жасалуы анықталатын болады.

Фото

Previous Next