Қоғамдық кеңес мүшелері қоғамдық бақылау жүргізді

Бүгін аудандық Қоғамдық кеңес төрағасы Омарбеков Бақыт Ербатырұлы мен Қоғамдық кеңес мүшесі Бадир Рахман-оглы Ш.Уәлиханов, Ө.Жолдасбеков, Жолғабас, Ж.Жүнісбеков, Домалақ ана, С.Ерубаев атындағы мектептерде болып, 2026-2027 оқу жылына арналған жылу маусымына дайындық барысымен, оқушылардың ыстық тамақпен қамтамасыз етілу жағдайымен және бейнебақылау камераларының жұмысымен танысып, зерделеу жұмыстарын жүргізді.Аралау барысында мектептердің қазандықтарының жай-күйі, отын қорының жеткіліктілігі, сыныптардағы жылу жүйелерінің сапасы тексерілді. Сонымен қатар, оқушыларға берілетін ыстық тамақтың сапасы, ас мәзірінің талапқа сай болуы және асханалардың санитарлық жағдайы назарға алынды.Бұдан бөлек, білім беру мекемелеріндегі қауіпсіздікті қамтамасыз ету мақсатында орнатылған бейнебақылау камераларының жұмыс істеу деңгейі, олардың саны мен қамту аумағы қаралды.Тексеру қорытындысы бойынша анықталған кемшіліктерді жою және оқушылардың қауіпсіз, жайлы жағдайда білім алуын қамтамасыз ету бойынша мектеп басшыларына тиісті ұсыныстар берілді.

Фото

Previous Next