Көкшетау қаласының қоғамдық кеңесінің кезекті отырысында сумен жабдықтау, бюджеттің атқарылуы және абаттандыру мәселелері қаралды

2026 жылғы 3 маусымда Көкшетау қаласы Қоғамдық кеңесінің кезекті отырысы өтті.

Отырыс барысында Красный Яр ауылының сумен жабдықтау жүйесінің жай-күйі, қала тұрғындарын сапалы ауыз сумен тұрақты қамтамасыз ету, сондай-ақ Көкшетау қаласының 2025 жылғы бюджетінің орындалуы бойынша өзекті мәселелер қаралды.

Бірінші мәселе бойынша Көкшетау қаласы Краснояр ауылдық округінің әкімі Мақыш Серікжан Мейрамұлының Красный Яр ауылындағы су құбыры және кәріз сорғы станциясының (КНС) ағымдағы жағдайы, оның ішінде 50 лет Октября көшесіндегі көппәтерлі тұрғын үйге қатысты мәселелер жөніндегі баяндамасы тыңдалды. Талқылау қорытындысы бойынша аталған мәселе бақылауда қалдырылды.

Тұрғындарды сапалы ауыз сумен қамтамасыз ету, су бұру және кәріз желілерін қайта жаңғырту, сорғы станциялары мен тазарту құрылыстарын жаңғырту мәселелері бойынша «Көкшетау Су Арнасы» бас инженері Садвакасов Қазбек Нұрбекұлы баяндама жасады. Ұсынылған ақпарат назарға алынды.

Сонымен қатар, Көкшетау қаласының экономика және қаржы бөлімінің басшысы Мағдиев Алтынбек Мұсылманбекұлының 2025 жылғы қалалық бюджеттің орындалуы туралы есебі тыңдалды. Ақпарат назарға алынды, аталған мәселе бойынша ұсыныстар жоқ.

Бұдан бөлек, Қоғамдық кеңес мүшелері Қанай би көшесі, 37 мекенжайында орналасқан кітапхана маңындағы жаяу жүргіншілер жолын жөндеу мәселесі бойынша келіп түскен өтінішті қарады. Аталған кітапхана зағип жандар мен мүмкіндігі шектеулі адамдардың келуіне арналған жалғыз мамандандырылған кітапхана болып табылады. Қарау қорытындысы бойынша тиісті өтінішті Көкшетау қаласының тұрғын үй-коммуналдық шаруашылығы, жолаушылар көлігі және автомобиль жолдары бөліміне жолдау туралы шешім қабылданды.

Отырыс қорытындысы бойынша Көкшетау қаласының Қоғамдық кеңесі қаралған мәселелер бойынша тиісті ұсынымдар әзірлеп, алдағы жұмыс бағыттарын айқындады.

Фото

Previous Next