Қазақстан Халық Кеңесінің алғашқы сессиясы өз жұмысын бастады

Бүгін Астана қаласында Мемлекет басшысының қатысуымен Қазақстан Халық Кеңесінің алғашқы сессиясы өз жұмысын бастады.

Мен үшін Ақмола облысының Қоғамдық кеңесінің мүшесі ретінде жаңа конституциялық органның құрамына ену – үлкен мәртебе әрі зор жауапкершілік. Бұл ретте көрсетілген сенімді нақты іспен ақтау басты міндетім.

Мемлекет басшысы Халық Кеңесінің қоғам мен мемлекет арасындағы ашық диалог алаңы ретіндегі ерекше рөлін атап өтті. Кеңестің алдында маңызды міндеттер тұр: қоғамдық келісім мен бірлікті нығайту, ішкі саясаттың өзекті мәселелері бойынша ұсыныстар әзірлеу, жалпыұлттық құндылықтарды ілгерілету және еліміздің одан әрі дамуына қатысу.

Бүгін сондай-ақ Халық Кеңесінің Төрағасын сайлау өтті. Дауыс беру қорытындысы бойынша Ерлан Жақанұлы Қошанов Халық Кеңесінің Төрағасы болып сайланды. Оның мемлекеттік қызмет пен парламенттік жұмыстағы мол тәжірибесі жаңа органның қызметінде маңызды рөл атқаратынына сенемін.

Халық Кеңесінің қызметі азаматтарды толғандыратын мәселелерге бағытталуы аса маңызды деп санаймын. Мен үшін бұл – халықпен жұмысты жалғастыруға, олардың ұсыныстары мен мәселелерін зерделеуге, оларды талқылауға қатысуға және тиісті шешімдерді әзірлеуге ықпал етуге берілген мүмкіндік.

Алда ауқымды әрі жауапты жұмыс тұр. Бірлескен күш-жігеріміздің арқасында Халық Кеңесін ел мүддесі жолындағы қоғамдық диалог пен сындарлы өзара іс-қимылдың тиімді алаңына айналдыра аламыз деп сенемін.

Маған білдірген сенімі үшін Мемлекет басшысына алғысымды білдіремін!

Фото

Previous Next