Ақмола облысы Биржан сал ауданының Қоғамдық кеңесі Кезекті отырыс

Ақмола облысы Биржан сал ауданының Қоғамдық кеңесі

Кезекті отырыс

         Ағымдағы жылдың 11 қыркүйегінде Биржан сал ауданының Қоғамдық кеңесінің отырысы өтті. Отырыста келесі мәселелер қаралды:

         -Қалалық мәдениет және демалыс саябағының жағдайы, қала тұрғындарының жаппай, белсенді әрі мазмұнды демалысын ұйымдастыруға жағдай жасау бойынша қабылданып жатқан шаралар, сондай-ақ Степняк қаласында абаттандыру, көгалдандыру және санитарлық тазалау бойынша жүргізіліп жатқан жұмыстар туралы;

         -Бюджеттен субсидияланатын әлеуметтік маңызы бар қалалық (ауылдық), қала маңындағы және ауданішілік қатынастар бойынша жолаушылар тасымалына қоғамдық мониторинг жүргізу жөніндегі жұмыс тобының есебін қарау.

         Отырыс жұмысына Биржан сал ауданы мәслихатының төрағасы Н.С. Қуатова, Биржан сал ауданы мәслихатының депутаты, мониторингтік топтың мүшесі Л.С. Мошечкова, Степняк қаласының әкімі С.К. Бермагамбетов, тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы О.М. Садуов, сондай-ақ Биржан сал атындағы аудандық мәдениет үйінің басшысы А.Т. Ибраева қатысты.

         Қаралған мәселелер бойынша ақпараттар тыңдалып, тиісті шешімдер мен қорытындылар қабылданды.

Фото

Previous Next