Қоғамдық кеңес мүшесі ТҮКШ бөлімінің кезекті бақылауға қатысты

Тұрғын үй-коммуналдық шаруашылық бөлімінің мамандары ұйымдастырған кезекті мониторингтік рейд барысында мәслихат депутаты Гүлмира Жаппасова мен Қоғамдық кеңес мүшесі Луиза Минбаеваның қатысуымен «Күншуақ-2024» ҚБ мердігерлік ұйымы Сәтбаев даңғылының Горняктар алаңынан Абай көшесімен қиылысқа дейінгі учаскесінде жүргізіп жатқан жұмыстардың барысы тексерілді.
Аталған учаскеде ескі жаяу жүргіншілер жолы алынып тасталған. Қазіргі уақытта жаңа жаяу жүргіншілер аймағын абаттандыру жұмыстары жүргізілуде. Абаттандыру аясында орындықтар, қоқыс жәшіктері және жарықтандыру құрылғыларын орнату, суару жүйесін монтаждау, сондай-ақ ағаштарды қалыптастыру және санитарлық мақсатта кесу жұмыстары көзделген.
Сонымен қатар, № 119 және № 121 үйлердің арасындағы Сәтбаев даңғылына шығатын аулалар арасындағы жолды аздап кеңейту жоспарлануда.
Мониторинг барысында мердігерге төсемнің тегіс төселмеуіне байланысты брусчатканы төсеу сапасы бойынша ескерту жасалды. Жұмыстарды сапалы, тегіс әрі ұқыпты орындау қажеттігі атап өтілді.
Одан әрі мониторингтік топ мүшелері Шаталюка көшесі, 16; Ерден көшесі, 223; Абай көшесі, 17/3 мекенжайларында салынып жатқан балалар ойын алаңдарын тексерді. Аталған нысандардағы мердігер – «Мүгедектер қоғамы «Әлеуметтік қолдау» ҚБ.
Алаңдардағы жұмыстар аяқталу сатысында. Сонымен қатар тренажерлардың жекелеген элементтерінің бүліну жағдайлары анықталды. Абай көшесі, 17/3 мекенжайындағы балалар ойын алаңында әлі толық кеуіп үлгермеген тартан жабындысында жаңа іздер анықталды. Мердігерге технологиялық процесті толық аяқтағанға және жабын толық кепкенге дейін оның сақталуын қамтамасыз ету қажеттігі ескертілді.
Балалар ойын және спорт алаңдарын тексеру барысында жекелеген аумақтардың санитарлық жағдайының тиісті деңгейде еместігі де атап өтілді. Алаңдарда жұмыстар әлі аяқталу сатысында болғанына қарамастан, кейбір нысандарда қоқыс жәшіктерінің толып қалғаны, тастар мен қоқыстардың шашылып жатқаны байқалды.
Осыған байланысты балалар ойын және спорт алаңдарын жинау және күтіп ұстауға жауапты «Экологиялық туризм «Нұрмейірім» ҚБ мердігер ұйымына тиісті ескерту жасалды. Мердігерге аумақтарды уақтылы жинауды және жиналған қоқыстарды шығаруды қамтамасыз ету қажет.

Жалпы, тексерілген нысандардағы жұмыстар белгіленген мерзімдерге сәйкес жүргізілуде. Мониторинг барысында анықталған барлық ескертулерді мердігер ұйымдар жоюы қажет.
Сонымен қатар, анықталған кемшіліктерді абаттандыру жұмыстарын жоспарлау және болашақта осындай жұмыстарды орындау кезінде ескеріп, аумақтарды абаттандыру сапасы мен тиісті деңгейде күтіп-ұстауды қамтамасыз ету қажет.

Фото

Previous Next