Kazakh Tourism Қоғамдық кеңесі іс-шаралар күнтізбесін қалыптастыру тәртібін түсіндірді

Оқиғалық туризм – өңірлердің туристік әлеуетін дамытудың және Қазақстанның имиджін нығайтудың басты құралдарының бірі. Ауқымды фестивальдер, мәдени жобалар мен ірі іс-шаралар отандық және шетелдік саяхатшылардың назарын аударып, еліміздің туристік орындарының танымалдығын арттырады.

«Kazakh Tourism» ҰК» АҚ Қоғамдық кеңесінің мүшесі Наталья Боровая іс-шаралар күнтізбесін қалыптастыру механизмі туралы мақала жазды. Бұл күнтізбеге еліміздің барлық өңірінен 55 басты іс-шара енгізілген. Ол әр аймақтың өзіндік туристік брендін айшықтап, жаңа бағыттарды дамытуға мүмкіндік береді.

Мақалада ұйымдастырушылардың мемлекеттік құрылымдармен жұмыс істеу алгоритмі, өтінім беру тәртібі мен жобаларды іріктеудің басты талаптары түсіндірілген. Сонымен бірге, іс-шараны бұл күнтізбеге енгізу – жоспарлы әрі кешенді дайындықты талап ететіні айтылған. Яғни, іс-шараның концепциясы мен сапалы бағдарламасын әзірлеуден бастап, соңында келушілер мен туристер ағынын бағалауға дейінгі жұмыстар да маңызды.

Толық материал veters.kz желілік басылымында жарияланды.

Фото

Previous Next