НА ЗАСЕДАНИИ ИНДЕРСКОГО ОБЩЕСТВЕННОГО СОВЕТА РАССМОТРЕНЫ ВОПРОСЫ, КАСАЮЩИЕСЯ ДОРОГ

23 шілде күні аудандық Қоғамдық кеңестің төрағасы Жамбыл Дәутәлиевтің төрағалығымен Қоғамдық кеңестің кезектен тыс отырысы өтті. Жиынға аудан әкімі Серік Нсанбаев қатысты.

Отырыста аудан тұрғындары үшін өзекті екі мәселе қаралды. Атап айтқанда, «Атырау – Орал» республикалық маңызы бар автомобиль жолындағы орташа жөндеу жұмыстарының орындалу барысы және «Атырау – Индер» облыстық маңызы бар автомобиль жолындағы ауыр жүк көліктерінің қозғалысын реттеу мәселелері талқыланды.

Бірінші мәселе бойынша «ҚазАвтоЖол» АҚ Атырау облыстық филиалы басшысының орынбасары А. Қаракезов және Атырау облыстық жолаушылар көлігі және автомобиль жолдары басқармасының басшысы Ә. Оразғалиев атқарылып жатқан жұмыстардың барысы туралы баяндама жасады.

Екінші мәселе бойынша Атырау облысы бойынша көліктік бақылау инспекциясының өкілі А. Бисалиев және Индер аудандық полиция бөлімі бастығының орынбасары А. Құбашев «Атырау – Индер» облыстық маңызы бар автожолындағы ауыр жүк көліктерінің қозғалысын реттеу бағытында атқарылып жатқан шаралар туралы ақпарат берді.

Жиын барысында жол жөндеу жұмыстарының сапасы, айналма жолдардың жағдайы, жол бойындағы шаңды азайту мақсатында су себу жұмыстарын ұйымдастыру, сондай-ақ ауыр жүк көліктерінің қозғалысын реттеу мәселелері жан-жақты қаралды.

Отырысқа Қоғамдық кеңес мүшелері, мәслихат депутаттары, қоғам белсенділері және жауапты сала мамандары қатысып, өз ұсыныс-пікірлерін білдірді.

Отырыс қорытындысы бойынша аудан әкімі жауапты мекемелерге көтерілген мәселелерді шешу, тұрғындардың ұсыныстарын ескеру және атқарылып жатқан жұмыстарды тұрақты бақылауда ұстау жөнінде тапсырмалар берді.

Фото

Previous Next