Қазкеңес жаңалықтары
KazKENES жаңалықтарыТүркістан облыстық Қоғамдық кеңес мүшелері жол сапасына қоғамдық мониторинг жүргізу мәселесі бойынша іс-шара өткізді
«Қазақстан Республикасында қоғамдық кеңестер апталығын ұйымдастыру және өткізу тұжырымдамасы (концепция) аясында Түркістан облыстық Қоғамдық кеңесінің ауыл шаруашылығы, кәсіпкерлік, құрылыс және коммуналдық салаларының дамуы жөніндегі комиссиясының ұйымдастыруымен 2022 жылғы 22-25 тамыз аралығында облыс аумағындағы Мақтаарал, Сауран аудандары және облыстық жолаушылар көлігі және автомобиль жолдары басқармасымен бірлесіп Түркістан облысы жолдарының сапасына қоғамдық мониторинг жүргізу мәселе бойынша іс-шаралар өткізілді.
Іс-шаралар нәтижесіне сәйкес, аталған тақырып бойынша, бірлескен жиналыс өткізілді.
Түркістан облысында автомобиль жолдары мен елді мекен көшелерінің ұзындығы 17 509,5 шқ. (01.08.2022 ж.) құрайды. Республикалық маңызы бар 723.1шқ, облыстық маңызы бар 1014,7 шқ, аудандық маңызы бар 1762,13шқ, елді мекен көшелері 11009,6шқ.
Облыстық және аудандық маңызы бар автомобиль жолдарының жақсы және қанағатты жағдайдағы үлесі 2021 жылы атқарылған жұмыстардың нәтижесінде 87%-ға артты, ал 2022 жылдың жоспары ретінде 92% белгіленген.
Құрылыс, жөндеу жұмыстарына тұрақты түрде сапаны бақылау жұмыстары жүргізілуде. Жалпы нысандарда сапасыз салынған - 8874 м2 жол жамылғысы қайта салынған
Орташа жөндеу нысандарын пайдалануға қабылдау кезінде азаматтық қоғам өкілдерін атап айтқанда қоғамдық кеңес мүшелері, кәсіпкерлік палата өкілдері, ауыл билері, әлеуметтік желі белсенділері қабылдау комиссия құрамына енгізілген.
Нысандардағы жұмыстар мен қолданылып жатқан материалдардың сапасы «Ұлттық сапа орталығы» ТО филиалының тұрақты бақылауында.
Р. Ибрагимов – интервью https://www.youtube.com/embed/P8Af0yZDZAg?feature=oembed
Түркістан облысының Мақтаарал ауданында «Жолдар және инфрақұрылым» тақырыбына арналған «Сапалы жол» және «Көп тілегі көпір» атты іс-шаралар өткізілді. Апталық ісшаралар өткізу кестесіне сәйкес, аудан бойынша жол бөліктеріне және көпірлерге жүргізіліп жатқан жөндеу жұмыстарына, жол төсемдерінің сапасына қоғамдық мониторинг жүргізілді.Аталған жұмысқа, Мақтаарал ауданының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің жауапты мамандары шақырылды.
Жол саласы бойынша, ауданда 2022 жылы 50,07 шақырымды құрайтын елді мекендердің ішкі көшелерімен аудандық маңызы бар жолдарға орташа және ағымдағы жөндеу жұмыстары жүргізіледі. Оның ішінде: 43,48 шақырымы елді мекендердің ішкі көшелерін жөндеу, 2,58 шақырымы аудандық маңызы бар жолдарды жөндеу болса 4,01 шақырымы қиыршық тасты төсеу жұмыстары. Аталған жөндеу жұмыстары жоспарға сәйкес қарқынды жүру үстінде. «Сапалы жол» іс-шарасы шеңберінде Қоғамдық кеңес мүшелері көшелерге жөндеу жұмыстары жүріп жатқан Нұрлыбаев ауылдық округіне қарасты Өнімкер ауылына қоғамдық бақылау жүргізу мақсатында барды. Бұл жұмысқа Нұрлыбаев ауылдық округінен ауыл белсенділері мен тұрғындары шақырылды. Жұмыс барысында Өнімкер ауылындағы Ақ алтын, Ахтаев және Бөрібеков көшелеріне жүргізілген жөндеу жұмыстарына, жол төсемдерінің сапасына, қоғамдық бақылау жүргізіліп бағасы берілді.
Іс-шара барысында Өнімкер ауылының тұрғындарымен кездесіп, тұрғындардың ой пікірлерін тыңдады. Қоғамдық бақылау барысында Нұрлыбаев ауылдық округіне қарасты Өнімкер ауылының Наурыз көшесі (ұзындығы 1300м) былтырғы жылдың жоспарында бола тұра жөндеу жұмыстарынан өтпегені және 2021 жылдың жоспарынан 2022 жылдың жоспарына ауысқаны анықталды, жауапты мердігермен байланысып жөндеу жұмысының басталуын талап етті.
Қоғамдық кеңес «Көп тілегі көпір» іс-шарасы бойынша аудандағы жол көпірлерін аралап аудан орталығына кіретін Мырзакент кентінің көпіріне тоқталды. Аталған көпір, жөндеу жұмысын қажет етеді, ауыр және орта салмақтағы жүк тасымалдайтын көліктер үшін аса қауіпті жағдайда екенін көпірді жөндеу жұмысы аудан әкімдігінің жоспарында бар екенін назарға алып, Қоғамдық кеңес отырысында талқыланып тиісті ұсыныстар берілетін болды.
Сауран ауданында «жол және инфрақұрылым» саласы жаңа дамып келе жатқан аудан ретінде аудан халқын сапалы ауыз сумен, көгілдір отынмен қамтамасыз ету басты маңызды мәселелердің бірі екенін ескере отырып, осы жағдайларға баса назар аударып, ҚК мүшелері мониторинг жүргізді.
Сауран ауданының абаттандыру және газ саласы бойынша Шорнақ елді мекенінде саябақ салынуда. Нысанның жалпы сметалық құны 71 877 257,98 теңге. Аша, Майдантал, Достық, Қызылжол, Шорнақ елдімекендерінде ворк аут, балалар алаңы, футбол алаңын орнату құрылысын салу мәселесі бақылауға алынды.
Ауыз су саласы бойынша Шорнақ ауылдық округі, Аша елді мекенін ауыз сумен қамтамасыз ету құрылысы» нысаны жұмыс жүргізілуде. Жобаның жалпы сметалық құны- 628.203 млн. теңге. 2021 игерілген қаржысы – 350 млн тенге болса, оның 288 млн теңгесі қаралған, қалған 67 млн теңгесі келесі жылға жылжыған. Жалпы нысанның мақсаты- Сауран ауданы, Шорнақ ауылдық округі, Аша елді мекенінің тұрғындарын сапалы ауыз сумен қамтамасыз ету болып табылады. Бүгінгі таңда атқарылған жұмыстар - 2 дана су ұңғымасы қазылып, су шығарылды.
Шаға ауылдық округі, Шоқтас, Яссы елдімекенінің тұрғындары, Ораңғай ауылдық окургі, Бостандық елдімекеніндегі Тоған көшесін сапалы ауыз сумен қамтамасыз ету мақсатында су жүйелерін орнату жұмыстары жоспар бойынша жүргізілуде.
Жол саласы бойынша:
Сауран ауданы Т.Сүлейменов және Шаяхметов көшелерін орташа жөндеу жұмыстары, Құсшы ата елдімекеніне кіре беріс автожолын күрделі жөндеу жұмыстары, Жол белгілерін орнату жұмыстары, аудандық автожолдарды (Оранғай-Қосқорған) ағымдағы жөндеу жұмыстары жоспарға сәйкес жүргізілуде.