ҚОҒАМДЫҚ БАҚЫЛАУ ЖҮРГІЗІЛДІ

Шымкент қаласындағы №41 мектеп-лицейіне жүргізіліп жатқан күрделі жөндеу жұмыстарының барысына Шымкент қаласы Қоғамдық кеңесінің төрағасы Бұхарбай Парманов пен Қоғамдық кеңес мүшесі Өмір Шыныбекұлы қоғамдық бақылау жүргізді.

Бақылау барысында жөндеу жұмыстарының сапасы, құрылыс кестесіне сәйкестігі және атқарылып жатқан жұмыстардың барысы зерделенді. Аталған мектеп ғимараты көп жылдан бері күрделі жөндеу көрмеген. Қазіргі таңда нысанда жөндеу жұмыстары бекітілген жоспарға сәйкес жүргізілуде.

Қоғамдық кеңес алдағы уақытта да әлеуметтік маңызы бар нысандардағы жұмыстардың орындалу барысын тұрақты бақылауда ұстап, тұрғындар үшін маңызды мәселелердің сапалы жүзеге асырылуына қоғамдық бақылау жүргізуді жалғастырады.

Фото

Previous Next