ҚОҒАМДЫҚ БАҚЫЛАУ ӨТТІ

---

 ҚОҒАМДЫҚ БАҚЫЛАУ ӨТТІ

           Мақтаарал ауданының Қоғамдық кеңесінің төрағасы Махамбет Ошантайұлы Ердешовтың бастамасымен 2022 жылдың 22-25 тамызы аралығында Мақтаарал ауданының Қоғамдық кеңесі «Қазақстан Республикасындағы қоғамдық кеңестерді дамыту» әлеуметтік жобасын іске асыру шеңберінде әзірленген Қазақстан Республикасында қоғамдық кеңестер апталығын ұйымдастыру және өткізу тұжырымдамасына сәйкес «Жолдар және инфрақұрылым» тақырыбына арналған «Сапалы жол» және «Көп тілегі көпір» атты іс-шаралар өткізілді.

         Қазақстан Республикасында қоғамдық кеңестер апталығын ұйымдастыру және өткізу тұжырымдамасы негізінде Мақтаарал ауданының Қоғамдық кеңесінің апталық іс-шаралар өткізу кестесі бекітілді. Апталық іс-шаралар өткізу кестесіне сәйкес, аудан бойынша жол бөліктеріне және көпірлерге жүргізіліп жатқан жөндеу жұмыстарына, жол төсемдерінің сапасына қоғамдық мониторинг жүргізілді.

         Аталған жұмысқа, Мақтаарал ауданының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің жауапты маманы Жанібек Досболов шақырылды.

         Жол саласы бойынша, аудан бойынша 2022 жылы 50,07 шақырымды құрайтын елді мекендердің ішкі көшелерімен аудандық маңызы бар жолдарға орташа және ағымдағы жөндеу жұмыстары жүргізіледі. Оның ішінде: 43,48 шақырымы елді мекендердің ішкі көшелерін жөндеу, 2,58 шақырымы аудандық маңызы бар жолдарды жөндеу болса 4,01 шақырымы қиыршық тасты төсеу жұмыстары. Аталған жөндеу жұмыстары жоспарға сәйкес қарқынды жүру үстінде.

         «Сапалы жол» іс-шарасы шеңберінде Қоғамдық кеңес төрағасы М.О.Ердешов көшелерге жөндеу жұмыстары жүріп жатқан Нұрлыбаев ауылдық округіне қарасты Өнімкер ауылына қоғамдық бақылау жүргізу мақсатында барды. Бұл жұмысқа Нұлыбаев ауылдық округінің әкімі Елшібаев Нұрғали, Мақтаарал ауданының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің жауапты маманы Досболов Жанібек және ауыл белсенділері мен тұрғындары шақырылды.

Қоғамдық кеңес төрағасы М.О.Ердешов жұмыс барысында Өнімкер ауылындағы Ақ алтын, Ахтаев және Бөрібеков көшелеріне жүргізілген жөндеу жұмыстарына, жол төсемдерінің сапасына, қоғамдық бақылау жүргізіп өз бағасын берді. Іс-шара барысында Өнімкер ауылының тұрғындарымен кездесіп, тұрғындардың ой пікірлерін тыңдады, өзекті мәселелерді сұрады. Қоғамдық бақылау барысында Нұрлыбаев ауылдық округіне қарасты Өнімкер ауылының Наурыз көшесі (ұзындығы 1300м) былтырғы жылдың жоспарында бола тұра жөндеу жұмыстарынан өтпегені және 2021 жылдың жоспарынан 2022 жылдың жоспарына ауысқаны анықталды. Қоғамдық кеңес төрағасы М.О.Ердешов Өнімкер ауылындағы Наурыз көшесіне жөндеу жұмысының жүргізілуін өз бақылауына алып Нұрлыбаев ауылдық округінің әкімі Елшібаев Нұрғалиға жөндеу жұмысына жауапты мердігермен байланысып жөндеу жұмысының басталуын өз бақылауына алуын талап етті.

«Көп тілегі көпір» іс-шарасы бойынша аудандағы жол көпірлерін аралап аудан орталығына кіретін Мырзакент кентінің көпіріне тоқталды. Аталған көпір, жөндеу жұмысын қажет етеді, ауыр және орта салмақтағы жүк тасымалдайтын көліктер үшін аса қауіпті жағдайда. Мақтаарал ауданының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің жауапты маманы Досболов Жанібек аталған көпірді жөндеу жұмысы аудан әкімдігінің жоспарында бар екенін жеткізді. М.О.Ердешов өз тарапынан мәселенің маңызды екенін және Қоғамдық кеңес отырысында талқыланатынын айтты.

Аталған іс-шараның мақсаты Қоғамдық бақылау функцияларын іске

асыруда Қоғамдық кеңес белсенділігі мен тиімділігін, Мемлекет жұмысының ашықтығын көрсету және олардың қызметі туралы халықтың хабардар болу деңгейін арттыру.

Мақтаарал аудандық Қоғамдық кеңесінің төрағасы М.О.Ердешов Қоғамдық кеңестер апталығы іс-шаралары шеңберінде мұндай жұмыстар ұдайы жүргізілетінін, өңірдегі маңызды мәселелер бұдан былай қоғамдық бақылауға алынатынын айтты. Апталық іс-шаралар, нәтижесі бойынша қорытындалып, БАҚ-та және Қоғамдық кеңестің фейсбук әлеуметтік желісінде жарияланып тұрады.

Қоғамдық бақылау барысында Мақтаарал ауданының Қоғамдық кеңесінің апталық іс-шаралар өткізу кестесіндегі мәселелерге бақылау жасалды. Бақылау нәтижесінде жол сапасын арттыру мақсатында өзекті мәселелер талқыланып, тиісті ұсыныстар берілді.

 

(с) Мақтаарал ауданының Қоғамдық кеңесі