Түркістан облысы Қоғамдық кеңесінің жетінші отырысы

---

 

 

Күні кеше Түркістан облысы Қоғамдық кеңесінің жетінші отырысы өтті. Отырысты Түркістан облысы Қоғамдық кеңесінің төрағасы Б.Жылқышиев жүргізіп отырды.

Жиынға Қоғамдық кеңес мүшелері, ҚР Сыбайлас жемқорлыққа қарсы іс-қимыл Агенттігінің Түркістан облысы бойынша департаменті басшысының орынбасары Самет Нұрдаулет Ильясұлы және салалық басқарма басшылары қатысты.

Күн тәртібінде маңызды 12 мәселе қаралып, тиісті басқарма басшылары баяндама жасады. Соның бірі, Түркістан облысының дене шынықтыру және спорт басқармасының басшысы Қанат Жарылқапұлы Жолдықараевтың облыстағы дене шынықтыру және спорт саласында сыбайлас жемқорлыққа қарсы іс-қимылды жүзеге асыру бойынша атқарылған жұмыстар туралы есебі тыңдалды.

Өз кезегінде Қоғамдық кеңес мүшелері аталған мәселе бойынша тиісті сұрақтар қойып, ұсыныстарын жеткізіп, алдағы жұмыс барысында пікірлерді назарға алу қажеттігін айтты.

Жалпы, Қоғамдық кеңес мүшелері барлық 12 мәселені жан-жақты талқылап, тиісті шешімдер қабылдады.