Қазкеңес жаңалықтары
KazKENES жаңалықтарыҚоғамдық кеңестің кезекті отырысы
Қоғамдық кеңестің кезекті отырысы өтті.
Шу ауданының қоғамдық кеңесінің 2026 жылға арналған жұмыс жоспарына сәйкес үстіміздегі жылдың 08 шілде күні кеңес отырысы өтті.
Отырысқа аудан әкімі Б.Жәнібеков, аудан әкімінің орынбасарлары Н.Сұлтанбаев, С.Пернеш, мәслихат төрағасы Ж.Әбенов, Шу ауданы әкімі аппаратының басшысы Н. Абай, Шу қаласы, ауылдық округтер әкімдері, аудан әкімдігінің бөлім басшылары, жекелеген мекеме басшылары, кеңес мүшелері және БАҚ өкілдері қатысты.Қоғамдық кеңес отырысын кеңес төрағасы Т.Әрістеев жүргізіп отырды.
Кеңес отырысының күн тәртібінде 3 мәселе қаралды: «Шу қаласын және Төле би ауылдық округін әлеуметтік-экономикалық дамыту бағытында атқарылып жатқан жұмыстар және салықтық түсімдердің орындалуы мен жұмсалуы туралы» және «Аудан әкімдігінің спорт және дене шынықтыру бөлімімен көрсетілетін мемлекеттік қызмет түрлері бойынша 2025 жылы және 2026 жылдың 5 ай қортындысы бойынша атқарылған жұмыстары туралы»
Күн тәртібіндегі бірінші және екінші мәселелер бойынша Шу қаласының әкімі Е.Нуралиев, және Төле би ауылдық округінің әкімі А.Рахимкулов есеп берді.
Есептерді қарау және талқылау барысында қеңес төрағасы Т.Әрістеев, мәслихат төрағасы Ж.Әбенов және кеңес мүшелері Б.Қарғабаев, С.Абдуманапов,Т.Мұсаева, Г.Инкарбекова, Е.Әбішев, Ж.Чекаев, Р.Шоңбаев, сауалдар қойып, оларға тиісті жауаптар қайтарылды.
Қаралған мәселелер бойынша кеңес отырысы тиісті ұсынымдар қабылдады.
Күн тәртібіндегі үшінші мәселе бойынша аудан әкімдігінің спорт және дене шынықтыру бөлімінің басшысы Қ.Мауленов есеп берді.
Мәселені қарау мен талқылаудың қортындысы бойынша кеңес отырысы ұсынымдар қабылдады.
Осымен кеңес отырысы өз жұмысын аяқтады.
Фото
