Қоғамдық кеңестердің 10 жылдығына жаңа аллея

Елімізде қоғамдық тұрақтылықтың сақталуы мен азаматтық белсенділіктің дамуына, халықтың өзекті мәселелерін шешу бағытында қызмет атқаратын Қоғамдық кеңестердің құрылғанына 10-жылдығы аясында облыстық Қоғамдық кеңес ауқымды шараны бастады. Қоғамдық кеңес төрағасы Т. Талаева және экология комиссиясының мүшесі С. Құрманалиннің ұсынысымен облыс әкімшілігінің қолдауымен Ғ.Жұбанова көшесі мен Тәуелсіздік даңғылы қиылысындағы аумақта кеңес мүшелері 150ге жуық алма ағашын отырғызып, Қоғамдық кеңес белсенділерінің аллеясының негізін қалады. Кеңес мүшелері аллеяны абаттандырып, көгалдандыруды жүйелі түрде жүргізеді. Қоғам белсенділерінің ағаш көшеттерін отырғызу барысында қала тұрғындары да қызығушылық білдіріп, көшеттерді күтімге алуға және үздіксіз бақылауға ынта білдірді. Қоғамдық кеңес жоспарында аллеяны көгалдандыру аймағын үлкейту және күтімін бақылауда ұстау тұр. Бұл іс-шара бір реттік жұмыс емес, нәтижесінде қаламыздың көркейіп дамуына кеңес мүшелері үлкен үлес қосқан болашаққа инвестиция, яғни өскелең ұрпақты табиғатты қорғау, туған жерге сүйіспеншілік, еңбекке құрмет, ұрпақтар сабақтастығына тәрбиелеуді мақсат тұтқан үлкен бастама.

Фото

Previous Next