Аудандық қоғам кеңесінің мүшесі М.Төлепбергеновтің өтініші бойынша Көгедай ауылының жер мәселесі туралы.

2026 жылы 21 мамыр күні аудандық қоғамдық кеңеске кеңестің мүшесі М.Төлепбергеновтың Көгедай ауылының тұрғындары атынан елді мекен жері туралы өтініш түсуіне байланысты аудандық қоғамдық кеңесі Көгедай ауылында ауыл халқын қатыстыру мақсатында көшпелі отырысын осы ауылда өткізді. Аудандық қоғамдық кеңестің 15 мүшесінен 11 мүшесі қатысты. Күн тәртібінде Көгедай ауылының жайылымдық жері туралы кеңес төрағасы М.Уәли, кеңес мүшесі М.Төлепбергеновтың хабарламасы тыңдалды. Хабарламаларда Көгедай ауылының жанындағы Бұқабай фермасын 2008 жылы 133 га жайылымдық жермен “Нұр”  шаруа қожалығына (Е.Келгенбаев) беріліп, шаруа қожалығы мал бордақылау алаңын салып, жұмысын бастап, ірі қара малын бордақылаумен айналысқан. Ірі қара малы осы жерге күзді күз айында әкелініп, бордақыға қойылып, көктемде етке өткізіліп келген. Мал бордақылау алаңынан шықпаған, ешқандай жайылымдықта болмай бордақы алаңында ғана болған. 2016 жылы “Нұр” шаруа қожалығы өзіне берілген 133 га жерін сатып алып, меншік иесі атанған. Қожалық иесі Е.Келгенбаевтің қайтыс болуына байланысты қожалық жұмысын тоқтатып,2025 жылы жанұясы осы Буқабай участкесінде мал бордақылау алаңын меншік жерімен “Әмір - Темір” ЖШС-не сатылған. Бүгінге дейін бұл участкеде мал ұсталмаған. Тек биыл осы мал бордақылау алаңын үлкейту мақсатында құрылыс жұмыстарын бастауға орны тазаланып, құрлыс салуға дайындық жұмыстары жүргізілуде. Ауыл тұрғындары алдағы уақытта осы 133 га жерді түгелдей қоршап алып, малдарының жайылымдық жері шектеліп қалатындығына алаңдауда. “Әмір-Темір” ЖШС-нің 133 га меншік жерінің ішінде елді мекен жеріде кіргеніне наразы.
Сонымен қатар, осы мәселе бойынша аудандық жер қатынастары бөлімінің басшысы Е.Қайрақбаевта түсіндіріп өтті. Ауыл халқының атынан сөйлеген Масалимова, тағы басқалары осы 133 га жердің мал бордақылау алаңына керекті жерлерін ғана алып, қалғанын ауыл халқы малдарының жайылымдық жерлері үшін қайтарып беруін сұрады.
Қоғамдық кеңестің отырысында кеңес мүшелері Қ.Сайранов, Е.Зағыпаров тағы басқалары ауыл халқының наразылықтары дұрыс екенін, жайылымдық жерлері бүгінгі қолдағы малдарының санына байланысты жетіспейтінін айтып, отырысқа қатысқан Зайсан аудандық прокурорының орынбасары Р.Сайранбекұлынан берілген жердің заңдылығын нақты тексеріп, ұсыныс беруін сұрады. Р.Сайранбекұлы өз сөзінде заңдылығын тексеріліп, ауыл халқына жеткізілетінін айтып өтті. Отырысқа қатысқан аудан әкімінің орынбасары А.Утебаев “Әмір-Темір” ЖШС басшысымен ауыл тұрғындарының наразылығын, ұсыныс пікірлерін алдағы уақытта ескеріп қоршау жүргізбеуге, тек малдарын мал бордақылау алаңында ұстау керектігі жөнінде сөйлесетінін айтты. 
Аудандық қоғамдық кеңес отырысы мәселені тыңдап, ауыл халқымен бірге талқылай келе ауыл маңындағы жердің шаруа қожалығына берілгені жөнінде тексеріс жүргізіп, заңдылығын анықтап, ауыл тұрғындарына хабарлауын аудан прокуратурасынан сұралды. “Әмір-Темір”ЖШС-нен малдарын мал бордақылау алаңында ғана ұстап, ауыл тұрғындарының жайылымдық жерлеріне зиян тигізбеу , егер де ауыл тұрғындарының жайылымдық жерлеріне зияны тиетін болса заң арқылы шешу керектігі жөнінде ұсынылды.

Фото

Previous Next