МЕМЛЕКЕТТІК ХАТШЫМЕН КЕЗДЕСУ ӨТТІ

---

Үстіміздегі жылдың 11 мамыр күні Қызылорда қаласындағы Студенттер сарайында «Конституция 2022: Реформалардың бағыт-бағдары» тақырыбында ҚР мемлекеттік хатшысы Ерлан Қарин Қызылорда облысының қоғамдық кеңесі мүшелерімен кездесті.

         Мемлекеттік хатшы алдағы референдумда жүзеге асатын конституциялық реформаның негізгі бағыттары туралы хабарлама жасады. Дөңгелек үстел барысында білім, мәдениет және өскелең ұрпаққа рухани-патриоттық тәрбие беру мәселелері көтерілді. Қоғам өкілдері елімізде жүргізіліп жатқан саяси реформалар мен жалпы халықтық референдум өткізудің маңыздылығын атап өтті.

         Сондай-ақ, қоғам белсенділері, сарапшылар және мемлекеттік қызметкерлер арасындағы өзара іс-қимылдың тиімділігін арттыру жайында әңгіме қозғады. Жалпы, шара аясында аймақтың қоғам белсенділері Конституцияға енгізілетін өзгертулер мен жалпыхалықтық референдум өткізу идеясын қолдады.