Ағымдағы жылдың 02 сәуірінде Қызылжар ауылында Целиноград ауданының Қоғамдық кеңесі отырысы Сүлейменов Әлібек Жұматайұлының төрағалығымен өтті.

Ағымдағы жылдың 02 сәуірінде Қызылжар ауылында Целиноград ауданының Қоғамдық кеңесі отырысы Сүлейменов Әлібек Жұматайұлының төрағалығымен өтті.

Отырысқа Қоғамдық кеңес мүшелері, Ақмола облысы білім басқармасының Целиноград ауданы бойынша білім бөлімі басшысы, Целиноград ауданының экономика және қаржы бөлімі басшысының міндетін атқарушы, сондай-ақ Целиноград ауданы әкімінің аппараты жанындағы мемлекеттік қызметтер көрсету сапасын талдау бөлімінің басшысының міндетін атқарушы қатысты.

Қоғамдық кеңес отырысының күн тәртібінде келесі мәселелер қаралды:

«Жетім балалар мен аз қамтылған отбасылардан шыққан балалардың жазғы демалысын ұйымдастыру туралы» мәселе бойынша баяндама жасаған — Қаратаев Тұрар Батырғалиевич, Ақмола облысы білім басқармасының Целиноград ауданы бойынша білім бөлімінің басшысы.

«2025 жылға арналған Целиноград ауданының аудандық бюджетінің орындалуы туралы» баяндама жасаған — Беркеева Анара Серікбайқызы, Целиноград ауданының экономика және қаржы бөлімі басшысының міндетін атқарушы.

«Халыққа сервистік әкімдіктер арқылы қызмет көрсету үшін қолайлы жағдайлар жасау бойынша ауданның жергілікті атқарушы органдарының жұмысы туралы» мәселе бойынша баяндама жасаған — Мухамедиянова Дильназ Ерікқызы, Целиноград ауданы әкімінің аппараты жанындағы мемлекеттік қызметтер көрсету сапасын талдау бөлімі басшысының міндетін атқарушы.

Отырыс барысында күн тәртібіндегі барлық мәселелер жан-жақты қаралды. Қоғамдық кеңес мүшелері талқылауға белсенді қатысып, нақтылау сұрақтарын қойып, әр мәселе бойынша өз ұсыныстары мен ескертулерін білдірді.

Сонымен қатар, Қоғамдық кеңес мүшелері үшін Қызылжар ауылындағы әлеуметтік маңызы бар нысандарға таныстыру экскурсиясы ұйымдастырылды. Қатысушылар заманауи құрал-жабдықтармен толық жабдықталған фитнес-орталықты, медициналық орталықты және мектепті аралап, мекемелердің жұмыс жағдайымен, материалдық-техникалық базасымен және халыққа көрсетілетін қызметтердің ұйымдастырылуымен танысты.

Мұндай көшпелі отырыстар тәжірибесі Қоғамдық кеңес мүшелеріне күн тәртібіндегі мәселелерді тек теориялық тұрғыда ғана емес, жергілікті жерде нақты жағдаймен танысуға, нысан басшыларымен тікелей пікір алмасуға және тұрғындар үшін жасалған инфрақұрылым сапасын бағалауға мүмкіндік береді.

Нысандарды аралау барысында олардың жұмыс істеу барысындағы өзекті мәселелер, даму перспективалары талқыланды.

Қоғамдық кеңес алдағы уақытта да әлеуметтік инфрақұрылымды дамытуға қоғамдық бақылауды күшейту, ашықтық пен тиімділікті арттыру мақсатында ашық диалог пен көшпелі іс-шаралар форматындағы жұмысын жалғастырады.

Фото

Previous Next