2026 жылдың 25 сәуірінде Қонаев қаласы аумағында «Жасыл болашақ» және «Таза Қазақстан» республикалық экологиялық акциялары аясында кең ауқымды сенбілік және ағаш отырғызу іс-шаралары өткізілді. Аталған шараға Алматы облысының Қоғамдық кеңесі де белсе

2026 жылдың 25 сәуірінде Қонаев қаласы аумағында «Жасыл болашақ» және «Таза Қазақстан» республикалық экологиялық акциялары аясында кең ауқымды сенбілік және ағаш отырғызу іс-шаралары өткізілді. Аталған шараға Алматы облысының Қоғамдық кеңесі де белсене қатысып, экологиялық бастамаларды қолдауға өз үлесін қосты.

Жалпы облыс бойынша өткен сенбілікке шамамен 40 мың адам қатысып, 300 гектар аумақ тазартылды және 19 мыңға жуық көшет отырғызылды.

Қонаев қаласы бойынша сенбілік ұйымдастырылып, ағаш отырғызу жұмыстары барысында 1000 түп ағаш егілді. Сонымен қатар, Бердібек Соқпақбаев атындағы орталық саябақ аумағында қосымша 100 түп ағаш отырғызылды. Нәтижесінде қала бойынша жалпы 1100 көшет егілді.

Бұған дейін акция аясында облыс көлемінде 7 сенбілік өткізіліп, 2000 тоннадан астам қоқыс шығарылды және шамамен 200 мың адам қамтылды. Сондай-ақ 60 мыңға жуық түп ағаш отырғызылды.

Жалпы алғанда, атқарылған жұмыстар өңірдің экологиялық жағдайын жақсартуға, жасыл желек қорын ұлғайтуға және халық арасында экологиялық мәдениетті қалыптастыруға бағытталған. Сонымен қатар, Алматы облысы бойынша елді мекендерді көгалдандыруға бағытталған 2026–2030 жылдарға арналған өңірлік жоспар бекітілген. 

Фото

Previous Next