Өскемен қаласының Қоғамдық кеңесінің отырысы өтті.

28 қазанда Өскемен қаласының қоғамдық кеңесінің кезекті отырысы өтті, отырыс барысында қала өмірі мен оның тұрғындарының мүдделеріне қатысты өзекті мәселелер қаралды.
Күн тәртібіне келесі тақырыптар енгізілді:
* Өскемен қаласының тұрғын үй-коммуналдық шаруашылық, жолаушылар көлігі және автомобиль жолдары бөлімінің Мемлекеттік қызмет көрсетуі;
* қаланың жер қатынастары, сәулет және қала құрылысы бөліміндегі ішкі сыбайлас жемқорлық тәуекелдерін талдау нәтижелері;
* Өскемен қаласында медициналық қызмет көрсету сапасы, алғашқы медициналық-санитарлық және жедел медициналық көмек көрсету.
Медициналық қызмет көрсету мәселесіне ерекше назар аударылды. Осы бағыт бойынша «Шығыс Қазақстан облысының Денсаулық сақтау басқармасы» ММ басшысының орынбасары түсініктеме берді. Сонымен қатар, Қоғамдық кеңестің уақытша комиссиясының мүшелері бекітілген емханалар бойынша ақпарат жинады, азаматтардың өтініштерін зерделеді және отырыста өз жұмысының нәтижелерін ұсынды.
Қаралған мәселелердің әрқайсысы бойынша тиісті бөлімшелер өкілдерінің баяндамалары тыңдалды. Талқылау қорытындысы бойынша Қоғамдық кеңес мүшелері белгіленген салалардағы жағдайды жақсартуға бағытталған ұсыныстар мен ұсынымдар әзірледі. Барлық ұсыныстар әрі қарай қарау және іске асыру үшін құзыретті органдарға жіберілетін болады.

Фото

Previous Next