Өскемен қаласының Қоғамдық кеңесінің отырысы өтті.

28 мамырда Өскемен қаласының Қоғамдық кеңесінің кезекті отырысы өткізіліп, онда қала тұрғындары үшін маңызды мәселелер қаралды.
- Әлеуметтік және тұрғын үй көмегін көрсету қағидаларының жобаларын талқылау.
- Дене шынықтыру, спорт және туризм бөлімінің Мемлекеттік қызмет көрсету бойынша жылдық есебін қарау.
- Спорт және білім бөлімдеріндегі ішкі сыбайлас жемқорлық тәуекелдерін талдау.
Аталған мәселелер бойынша өкілдердің баяндамалары тыңдалып, талқылау барысында Кеңес мүшелері тиісті ұсыныстар енгізді.
Белгілі бір тұрғылықты жері жоқ тұрғындарды әлеуметтік мекемелерге бөлу туралы мәселеге ерекше назар аударылды. Осы мәселе бойынша қала әкімдігінің «Өмірлік қиын жағдайға тап болған адамдарды қайта әлеуметтендіру орталығы» КММ басшысы түсініктеме берді. Сондай-ақ, қалалық автобус маршруттарында жолаушылар тасымалын ұйымдастыру жөніндегі жұмыс туралы мәселе талқыланды.
Отырыс барысында бейінді құрылымдар өкілдерінің баяндамалары тыңдалды. Кеңес мүшелері талқылауға белсенді қатысып, әр мәселе бойынша нақты ұсыныстар енгізді.

Фото

Previous Next