Өскемен қаласының Қоғамдық кеңесінің отырысы өтті.

26 ақпанда Өскемен қаласының Қоғамдық кеңесінің кезекті отырысы өткізілді, онда «Өскемен қаласының 2025-2027 жылдарға арналған бюджеті туралы» нормативтік құқықтық актілердің жобасы қаралды, сондай-ақ жер қатынастары, сәулет және қала құрылысы бөлімінің мемлекеттік қызметтер көрсету жөніндегі 2024 жылғы жылдық есебі туралы мәселе қаралды. Отырыста шаруа қожалығы мен ауыл шаруашылығы өндірісін жүргізу мақсатында уақытша өтеулі жер пайдалану құқығын беру үшін конкурсқа шығарылатын жер учаскелерінің тізімі келісілді. Аталған мәселелер бойынша «Экономика және бюджеттік жоспарлау бөлімі» және «Өскемен қаласының жер қатынастары, сәулет және қала құрылысы бөлімі» ММ өкілдерінің баяндамалары тыңдалды. Талқылау барысында Кеңес мүшелері тиісті ұсынымдар енгізді.
Қыс мезгілінде Өскемен қаласының көшелерін, тротуарларын тазалау мәселесі көтерілді, жолдарды қысқы күтіп-ұстау мәселесіне ерекше назар аударылды. ТҮКШ, жолаушылар көлігі және автомобиль жолдарының басшысы қар мен мұзды тазалау мәселелері бойынша түсініктеме берді. Оның ішінде Қоғамдық кеңес мүшелері Согра шағын ауданында қардың қанағаттанарлықсыз жиналғаны туралы хабарлаған Согринская көшесінің тұрғынының шағымын қарады. Талқылау барысында Қоғамдық кеңес мүшелері: көшелерді, жолдарды және тротуарларды тазалау сапасына бақылауды күшейтуді, әсіресе қыс мезгілінде тазалаумен айналысатын кәсіпорындар мен ұйымдардың санын көбейтуді, шалғай аудандарға (Аблакетка, Согра, Меновной, Ахмер, тұрғындар тұрақты негізде тұратын саяжай алаптары) ерекше назар аударуды, сондай-ақ осы мәселені ағымдағы жылдың желтоқсан айында қайта қарауды ұсынды.
Сондай-ақ, Қоғамдық кеңес мүшелерінің азаматтарды қабылдау кестесі бекітілді, Өскемен қаласының Қоғамдық кеңесінің ережесі қаралып, қабылданды.
Отырыс сындарлы өтті, талқылаулар қорытындысы бойынша тиісті ұсынымдар мен ұсыныстар берілді.

Фото

Previous Next