ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ

Төлеби аудандық Қоғамдық кеңестің кезекті отырысы өтті, жиында кеңес төрағасы Әбдісаттар Әбдіхалықов төрағалық етті.

Күн тәртібінде аудан тұрғындарының әлеуметтік жағдайын жақсартуға бағытталған екі маңызды мәселе қаралды.

Алғашқы мәселе бойынша «Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы» Төлеби аудандық мәслихатының шешім жобасы талқыланды. Аталған мәселе жөнінде Төлеби аудандық жұмыспен қамту және әлеуметтік бағдарламалар бөлім басшысының орынбасары Сәбит Тұрғынбеков хабарлама жасап, кеңес мүшелері тарапынан қолдау тапты. Нәтижесінде Қоғамдық кеңес мүшелері шешім жобасына оң қорытынды келісімдерін берді.

Күн тәртібіндегі екінші мәселе ретінде аудандық жұмыспен қамту және әлеуметтік бағдарламалар бөліміне қарасты «Жарқын өмір» және «Тең қоғам» секторында атқарылып жатқан жұмыстардың барысы қаралды. Сектор меңгерушісі Гаухар Амангелдіқызы атқарылған жұмыстар жөнінде баяндап, алдағы міндеттерге тоқталды. Кеңес мүшелері тарапынан бірқатар ұсынымдар айтылып, тиісті шешім қабылданды.

Аудандық Қоғамдық кеңестің бос тұрған бір орнына, "Қоғамдық кеңестер туралы" Заңнаманың талаптарына сәйкес резервтегі Ештаев Ғалымжан Жайлауханович бірауыздан кеңес мүшелерінің шешімімен кеңес мүшелігіне қабылданды.

Фото

Previous Next