Келес аудандық Қоғамдық кеңесінің кезекті отырысы аудан әкімдігі аппаратының мәжіліс залында өтті.

Отырыстың күн тәртібінде бірқатар маңызды мәселелер қаралды. Атап айтқанда, ауданның кәсіпкерлік және ауыл шаруашылығы бөлімі тарапынан 2025 жылы ауыл шаруашылығы саласында атқарылған жұмыстар бойынша есеп тыңдалды. Сондай-ақ, шаруа қожалықтарын ірілендіру және кооперативтер құру бағытындағы жұмыстар да баяндалды.

Сонымен қатар, «Түркістан» кәсіпкерлерге қызмет көрсету орталығының Келес аудандық бөлімінің, «Қазыналы қария – тең қоғам» мемлекеттік коммуналдық мекемесінің, Бірлесу ауылдық округі әкімдігінің және аудандық білім бөлімінің 2025 жылы атқарған жұмыстары бойынша есептері ұсынылды.

Бұдан бөлек, Келес аудандық полиция бөлімінің 2025 жылы атқарған жұмыстары туралы ақпарат берілді.

Отырыс барысында көтерілген мәселелер жан-жақты талқыланып, кеңес мүшелері тарапынан ұсыныстар айтылып, сұрақтарға тиісті жауаптар берілді.

Жиын қорытындысы бойынша қаралған мәселелер бақылауға алынып, алдағы уақытта жүйелі жұмыстар жүргізу қажеттігі атап өтілді.

Фото

Previous Next