ИНДЕР АУДАНДЫҚ ҚОҒАМДЫҚ КЕҢЕСІНІҢ КЕЗЕКТЕН ТЫС ОТЫРЫСЫ

Индербор кентінің даму бағытына сәйкес Жайық өзенінің оң жағалауында орналасқан дайын алаңдағы жер телімдерін жеке тұрғын үй құрылысы үшін кент тұрғындарына табыстау мәселесі бойынша 2026 жылғы 15 сәуір күні аудандық Қоғамдық кеңестің отырысы өтті.

Отырысқа Қоғамдық кеңестің төрағасы Ж.Дауталиев төрағалық етті. Жиынға аудан әкімі С.Нсанбаев қатысып, күн тәртібіндегі мәселе бойынша өз пікірін білдірді.

Күн тәртібінде аудандық жер қатынастары, сәулет және қала құрылысы бөлімінің басшысы Ардақ Үсенқызы баяндама жасап, Жайық өзенінің оң жағалауында орналасқан дайын алаңдағы жер телімдерін кент тұрғындарына жеке тұрғын үй құрылысы үшін беру бойынша атқарылып жатқан жұмыстар мен алдағы жоспарлар туралы ақпарат берді.

Отырыс барысында Қоғамдық кеңес мүшелері мен депутаттар тарапынан бірқатар сұрақтар қойылып, ұсыныстар айтылды. Атап айтқанда, жер телімдерін бөлу кезінде кезекте тұрған азаматтардың құқықтарын сақтау, ұсынылып отырған аумақтың инфрақұрылымдық жағдайы, сондай-ақ тұрғындардың ұсынылған жерден бас тарту жағдайында қабылданатын шаралар талқыланды.

Аудан әкімі өз сөзінде жер кезегінде тұрған азаматтардың санының көптігін атап өтіп, аталған мәселені кезең-кезеңімен шешудің маңыздылығына тоқталды. Сонымен қатар, ұсынылып отырған аумақтың инженерлік-инфрақұрылыммен қамтамасыз етілгенін айтып, жер телімдерін тиімді әрі уақытылы игеру қажеттігін жеткізді.

Фото

Previous Next