Қоғамдық тыңдаулар: Павлодар ауданында шағын ауылдарды дамыту туралы

Павлодар ауданының Қоғамдық кеңесінің бастамасымен Кеңес ауылдық округінің Айтым ауылында Павлодар ауданының шағын ауылдарын дамыту тақырыбында қоғамдық тыңдаулар өтті.

Тыңдауларға аудан әкімі Д.Е. Ибраев, аудан әкімінің орынбасарлары, Павлодар облысы Қоғамдық кеңесінің аграрлық комиссиясының мүшелері, бөлім басшылары, ауылдық округтердің әкімдері мен жергілікті өзін-өзі басқару мүшелері қатысты.

Негізгі баяндаманы аудан әкімінің орынбасары Х.О. Оразбеков жасады, баяндамада 2026 жылғы 1 қаңтардағы жағдай бойынша шағын ауылдардың 3-нде (Бірлік, Қаратоғай, Шанды) көші-қонның теріс сальдосы, тек бір Айтым ауылында оң сальдо (+4 адам) орын алғаны атап өтілді.

2025 жылы 2 ауыл таратылды: Луганск ауылдық округінің Даниловка ауылы және Рождественский ауылдық округінің Максимовка ауылы.

Бүгінгі таңда барлық шағын ауылдар орталықтандырылған су құбырлары арқылы ауыз сумен, бір бөлігі КБМ арқылы қамтамасыз етілген. Сондай-ақ, барлық ауылдарға қатты жабыны бар жолдар бойынша кіреберістер қамтамасыз етілген. Көптеген ауылдарда ауыл ішіндегі жолдар төселген. Ағымдағы жылы Кеңес ауылдық округінің Айтым ауылындағы 4 көшені, Луганск ауылдық округінің Богдановка ауылындағы 1 көшені асфальттау жоспарлануда, сондай-ақ Богдановка ауылына кірме жолды асфальттау жобасы қосымша мәлімделді.

5 шағын ауылда бастауыш мектептер бар, онда 45 бала оқиды, осы мектептерде шағын орталықтар жұмыс істейді, оларда 10 мектеп жасына дейінгі бала тәрбиеленіп, оқиды. 15 ауылда клубтар бар, 6 клубта кітап беру пункттері бар. Шағын ауыл тұрғындарына медициналық көмек ФАП және медициналық пункттер арқылы көрсетіледі, 11 ауылда медициналық пункттер және 2 ауылда-ФАП, 6 ауылдың тұрғындарына медициналық көмек жақын маңдағы ФАП және медициналық пункттер базасында көрсетіледі. Сондай-ақ, 10 ауылда балалар ойын алаңдары, 2 ауылда шағын футбол алаңдары бар. Ағымдағы жылы Жертұмсық ауылында футбол алаңын құру жоспарлануда және Коряковка ауылында шағын футбол алаңын орнатуға жоба мен сараптамалық қорытынды жасалған. 

Жалпы шағын ауылдарда халықтың жайлы тұруы үшін белгілі бір жағдайлар жасалғанына қарамастан, шағын ауылдар халқының көші-қонының теріс сальдосын, кейбір ауылдарда бала туудың төмендеуін, бастауыш сынып оқушыларының санының қысқаруын, жұмыссыздықты (77 адам) атап өткен жөн, бұл халықтың табысының төмендеуіне әкеледі.

Тыңдауға қатысушылардың көптеген сұрақтарына аудан әкімі Д. Е. Ибраев жауап беріп, жобаларды іске асырудың басымдығына назар аударды .

Қоғамдық тыңдаулардың қорытындысы бойынша ҚР Ауылдық аумақтарын дамытудың 2023-2027ж.арналған тұжырымдамасына сәйкес Павлодар ауданының шағын ауылдарын дамыту бағдарламасын әзірлеуге ұсынымдар қабылданды.  Сондай-ақ, ауылдық округ әкімдеріне, білім, мәдениет, дене шынықтыру және спорт, кәсіпкерлік және ауыл шаруашылығы бөлімдеріне, мансап орталығына ұсыныстар қабылданды.

Фото

Previous Next