Ұлытау облыстық Қоғамдық кеңесінің кезектен тыс отырысы өтті

Кеңес төрағасы Бауыржан Бегенов жүргізді.

Күн тәртібінде 2026–2028 жылдарға арналған облыстық бюджетті нақтылау мәселесі қаралды. Жиынға облыс әкімдігі өкілдері мен басқарма басшылары қатысты. Негізгі баяндаманы экономика басқармасының басшысы Нұрлан Абдукалимов жасады.

Ұсынылған түзетулерге сәйкес, жалпы 6,1 млрд теңге бағыттау көзделген:
– 1 млрд теңге — меншікті кірістерден;
– 5,1 млрд теңге — шығындарды қысқарту есебінен.

Жалпы 54,1 млрд теңгеге өтінім түскенімен, заң талаптарына сай олардың басым бөлігі кері қайтарылып, тек 6,1 млрд теңге мақұлданды.

Отырыс барысында денсаулық сақтау, энергетика және ТКШ салалары талқыланды.

Нәтижесінде:
– спорт және іссапар шығындары қысқартылып, қаражат әлеуметтік және спорт нысандарына қайта бөлінді;
– кәсіпкерлікке арналған кейбір шығындар қысқартылып, коммуналдық салаға бағытталды;
– жылумен жабдықтау жүйелерін дамытуға 198,9 млн теңге бөлу ұсынылды.

Фото

Previous Next