ИНДЕР АУДАНДЫҚ ҚОҒАМДЫҚ КЕҢЕСІНІҢ КЕЗЕКТЕН ТЫС ОТЫРЫСЫ

           2026 жылдың 02  сәуір күні аудан әкімдігінің мәжіліс залында аудандық Қоғамдық кеңестің  кезектен тыс отырысы өтті. Күн тәртібінде «Индер-Атырау» тас жолының жағдайы туралы мәселе қаралды. Жиынға Атырау облыстық жолаушылар көлігі және автомобиль жолдары басқармасының басшысы Ә.Оразғалиев, аудан әкімінің орынбасары А.Мурзин, аудан прокуроры Н.Ешманов, аудандық мәслихат төрағасы А.Рамазанов, Атырау облысы бойынша көліктік бақылау инспекциясының өкілі А.Салауатұлы, аудандық полиция бөлімі басшысының орынбасары А.Кубашев, аудандық мәслихат депутаттары, округ әкімдері мен қоғам белсенділері, жергілікті карьер иелері, қоғамдық кеңес мүшелері және  баспасөз өкілі қатысты.

            🔹 Күн тәртібіндегі мәселе бойынша Атырау облыстық жолаушылар көлігі және автомобиль жолдары басқармасының басшысы Ә.С.Оразғалиев, Атырау облысы бойынша көліктік бақылау инспекциясының өкілі А.Салауатұлы және аудандық полиция бөлімі басшысының орынбасары А.Кубашевтың хабарламалары тыңдалды. Кеңес отырысында аудан бойынша инертті материалдар өндіруші кәсіпкерлер мен ауыр жүк көліктеріне шамадан тыс артық жүк тиемеу мақсатында өзара ынтымақтастық туралы үш жақты Меморандум жасақталып, қол қойылды.

           🔹 Жиын барысында қоғамдық кеңес мүшелері мен ауыл тұрғындарын толғандырған сұрақтарға кеңінен түсінік берілді және жиынға қатынасушылар өз ұсыныс - пікірлерін ортаға салып, хаттама жазылды. 

           🔹 Жиын нәтижесі бойынша  қарар қабылданып, жауапты басқарма мен бөлімдерге жолданады.

Фото

Previous Next