2026 жылғы 19–20 ақпан аралығында Алматы облысы Еңбекшіқазақ ауданында «MedBaqylau» жүйесіне қатысты қоғамдық мониторинг жүргізілді.

2026 жылғы 19–20 ақпан аралығында Алматы облысы Еңбекшіқазақ ауданында «MedBaqylau» жүйесіне қатысты қоғамдық мониторинг жүргізілді.

Мониторинг барысында аудан аумағындағы бірқатар медициналық мекемелерде «MedBaqylau» жүйесінің толыққанды жүзеге асырылмағаны анықталды. Кейбір мекемелерде QR-кодтардың орнатылмағаны немесе тұрғындарға қолжетімді жерлерге орналастырылмағаны белгілі болды.Осыған байланысты медициналық ұйымдардың басшыларымен кездесулер өткізіліп, жүйенің маңыздылығы мен оны пайдалану тәртібі бойынша түсіндіру жұмыстары жүргізілді. Сонымен қатар «MedBaqylau» жүйесіне кіруге арналған QR-кодтары бар парақшалар барлық медициналық мекемелерге таратылды.Тұрғындардың медициналық қызмет сапасына қатысты пікірлері мен ұсыныстарын жинау мақсатында QR-кодтарды медициналық ұйымдардың көрнекті жерлеріне орналастыру қажеттігі ескертілді.

Алдағы уақытта аталған елді мекендерде «MedBaqylau» жүйесінің жүзеге асырылу барысын бақылау мақсатында қосымша мониторинг және тексеру жұмыстары жүргізілетін болады.

Фото

Previous Next