Қазкеңес жаңалықтары

2026 жылғы 30–31 қаңтар аралығында Қарасай ауданында қоғамдық мониторинг жүргізілді.

2026 жылғы 30–31 қаңтар аралығында Қарасай ауданында қоғамдық мониторинг жүргізілді.

Алматы облысының Қоғамдық кеңесі медициналық қызметтің қолжетімділігі мен сапасын тексеру мақсатында Қарасай ауданында қоғамдық бақылау жүргізді.Мониторингтің мақсаты – тұрғындардың уақытылы әрі сапалы медициналық көмек алуына жағдай жасау, саладағы өзекті мәселелерді анықтап, оларды шешу жолдарын ұсыну.

Жұмыс тобы Қарасай ауданының бірқатар ауылдық округтерін аралап, медициналық мекемелердің жұмысымен танысты. Тексеру барысында «MedBaqylau» жүйесіне қатысты QR-кодтардың кейбір медициналық ұйымдарда мүлдем орнатылмағаны анықталды.Осыған байланысты медицина қызметкерлері мен тұрғындарға түсіндіру жұмыстары жүргізіліп, «MedBaqylau» жүйесіне тіркелу және жүйе арқылы өтініш, сұрақ жолдау тәртібі түсіндірілді. Сонымен қатар QR-кодтардың көшірмелері таратылып, оларды медициналық ұйымдардың көрнекті жерлеріне орналастыру қажеттігі ескертілді.

«MedBaqylau» жобасы – халық пен медициналық ұйымдар арасындағы байланысты нығайтып, медициналық қызмет сапасын арттыруға мүмкіндік беретін маңызды құрал.

Фото