ИНДЕР АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ

2026 жылғы 3 наурыз күні Индер аудандық Қоғамдық кеңесінің төрағасы Ж. Дауталиевтің төрағалығымен кеңестің кезекті отырысы өтті.

Кеңес отырысына аудан әкімі С. Нсанбаев, аудандық мәслихат төрағасы А. Рамазанов, Қоғамдық кеңес мүшелері, кент және ауылдық округ әкімдері, сондай-ақ дербес бөлім басшылары қатысты.

Күн тәртібінде төмендегі мәселелер қаралды:

1. Индер ауданының 2025 жылғы әлеуметтік-экономикалық даму қорытындылары және 2026 жылға арналған міндеттері туралы аудан әкімінің есебі тыңдалды. Баяндама барысында ауданның өткен жылғы негізгі әлеуметтік-экономикалық көрсеткіштері, инвестиция тарту, ауыл шаруашылығы, кәсіпкерлікті қолдау, инфрақұрылымды дамыту, жұмыспен қамту және әлеуметтік салада атқарылған жұмыстар жан-жақты баяндалды. Сонымен қатар, 2026 жылға жоспарланған басым бағыттар мен нақты міндеттер айқындалды.

2. Аудандық мәслихаттың 2025 жылы атқарған қызметі туралы аудандық мәслихат төрағасы А. Рамазановтың есебі тыңдалды. Есепте мәслихаттың қабылдаған шешімдері, аудандық бюджетті бекіту және оның орындалуына бақылау жүргізу, тұрғындардың өтініш-тілектерін қарау, тұрақты комиссиялардың қызметі туралы мәліметтер ұсынылды.

3. Аудандық Қоғамдық кеңестің 2025 жылы атқарған жұмыстары туралы Қоғамдық кеңес төрағасы Ж. Дауталиев баяндама жасады. Баяндамада кеңестің атқарушы органдар қызметіне қоғамдық бақылау жүргізуі, нормативтік-құқықтық актілер жобаларын талқылауы, азаматтардың ұсыныстары мен пікірлерін жинақтауы бағытындағы жұмыстар қамтылды.

Күн тәртібіндегі мәселелер бойынша қатысушылар тарапынан сұрақтар қойылып, ұсыныс-пікірлер айтылды. Отырыс қорытындысы бойынша тиісті ұсынымдар қабылданды.

Фото

Previous Next