ТҰРҒЫН ҮЙДІҢ КЕЗЕГІНДЕ ТҰРҒАНДАР

---

Қай салада болмасын әлеуметтік әлсіз топтарды қамтамассыз ету жергілікті биліктің басты назарынан тыс қалған емес. Соның бірі күні кеше ғана қоғамдық кеңесте кеңінен талқыланған тұрғын үй кезегі мен оқушылардың жазғы тынығу лагері. Әлеуметтік топты әлдендіру әрине баспанамен қамтудан басталмай ма?

Міне, сондай тұрғын үй кезегінде тұрған, әлеуметтік топтағылардың субсидия алу санаты төртке бөлініп отыр. Олар:

-1-2 топ мүгедектері;

-мүмкіндігі шектеулі балалары бар отбасылары;

-жетім балалар;

-көп балалы отбасылары.

Осы санаттағы тізімге 5236 азамат бекітіліп, жыл басынан бері -583 өтініш түскен. Оның-143 өтініші мақұлданды деп мәлімдеп отыр Қалалық тұрғын үй инспекциясы. Ал, енді осы тізімде әлеуметтік топтар қалай жіктелген, соған тоқталсақ. Тұрғын үй кезегі бойынша:

 ҚР «Тұрғын үй қатынастары туралы» Заңының 74 бабының 2-тармағына сәйкес, Қызылорда қаласы бойынша тұрғын үйге мұқтаж адамдардың 6 дара тізімдері бойынша 26 417 отбасы кезекте тұр екен. Соның ішінде әлеуметтік топқа енетіндері:

1. ҰОС ардагері-0 адам;

2. Жетім балалар мен ата-анасының қамқорлығынсыз қалған балалар – 1357 отбасы;

3. Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналар, көпбалалы отбасылар - 3755;

4. Халықтың әлеуметтік жағынан әлсіз топтары – 10079 отбасы болып отыр. Бұның барлығын баспанамен қамту бағытында атқарылып жатқан жұмыстар елдің көз алдында. Енді осы осал топтардың ішінде әлсіз топтар санатына жататыны қанша, оның қаншасы қандай топқа еніп отыр деген де сұрақ туындайды емес пе? Ендеше бөлім мәліметіне қайта назар салсақ:

- ҰОС теңестірілгендер - 241;

- І-ІІ топ мүгедектері - 1929;

- Мүгедек бала тәрбиелеуші отбасы - 790;

- Толық емес отбасылары - 6563;

- Оралмандар - 63;

 - зейнеткерлер – 445.

- Мемлекеттік немесе қоғамдық міндеттерді, әскери қызметті орындау кезінде, адам өмірін құтқару кезінде, құқық тәртібін қорғау кезінде қаза тапқан адамдардың отбасы-13;

- Заңнамада белгіленген тәртіппен бекітілетін аурулар тізімінде аталған кейбір созылмалы аурулардың ауыр түрлерімен ауыратын адам-33;

- Экологиялық апаттардың, табиғи және техногендік сипаттағы төтенше жағдайлардың салдарынан баспанасынан айырылған адамдар-14;

- Басқа мемлекеттер аумағындағы жауынгерлік іс-қимыл ардагерлері-8.

5. Мемлекеттік қызметшілер, бюджеттік ұйымдардың қызметкерлері, әскери қызметшілер және мемлекеттік сайланбалы қызмет атқаратын адамдар - 10815;

6. Жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтар - 411.

 Кеңесте талқыланған екінші мәселе балалардың жазғы лагері. Бұл жайында «Балалардың жазғы демалысын ұйымдастыру мәселелері туралы» тақырыбындағы Қызылорда қаласы бойынша білім бөлімі басшысының міндетін атқарушы Е. Боданов баяндама жасап, жазғы демалыспен бірінші кезекте жетім және ата-ана қамқорлығынсыз қалған балалар, аз қамтамасыз етілген отбасынан шыққан балалар қамтылуда екенін айтты.

 Жалпы қала бойынша 1-10 сыныпта 66 969 бала мектепте білім алады. Оның ішінде, жоғарыда аталған санаттағы балалардың саны 10 293 құрайды (15, 3%). Балалар мен жасөспірімдердің жазғы демалысын тиімді ұйымдастырып отырмыз деген бөлім басшысы әлеуметтік топта жататын отбасы балалары жайлы өзге де мәселелерге тоқталды. Шара соңында әлеуметтік саламыздағы мәселені созбалаңға салмай, адал да әділ жүргізу әрбіріміздің міндетіміз екені айтылды.

 

Қызылорда қалалық қоғамдық кеңес мүшесі С.Алдашбаев

#QQweek #HalyqApta